San Lucas 6:42 - Nuevo Testamento Tzeltal de Amatenango

⁴² Tutꞌil ya xjuꞌ awuꞌun te ya awalbe te awermanoe: “Hermano, aꞌbon jlokꞌes te chꞌin kꞌaꞌpal te ay ta asite, teme ya awute. ¿Meꞌn makꞌ anaꞌ te ay mukꞌul troso te kꞌatal ta asite? Te jaꞌexe ma tsaꞌamuk awoꞌtanik. Lokꞌesa nailuk te mukꞌul troso te kꞌatal ta asite. Jich ya xjuꞌ awuꞌun yilel lek te chꞌin kꞌaꞌpal ya alokꞌesbe ta sit te awermanoe.

Bible in Tzeltal Bachajón

⁴² ¿Bin yu'unix a te hich yac awalbe te awermano: Hermano, a'bon jloq'uesbat te jwihts' c'a'pal ay ta asit, te xchihate, teme ma ba yac awil te ts'amte' ay ta asite? ¡Jchebal-o'tanat! Ha nahil xaloq'ues te ts'amte' ay ta asit, hich yac awil ta lec a te yac aloq'uesbe te jwihts' c'a'pal ay ta sit te awermanohe.

Bible in Tzeltal de Oxchuc y Tenejapa

⁴² ¿Bit'il ya xju' awu'un te ya awalbey te awermanoe: “Quermano, ac'bon jloq'uesbat te ch'in ac te ochem ta asite”, teme xaate? Melel ay muc'ul ts'amte' te c'atal ta asit atuquele. Te ja'ate cha'lam awo'tan. Loq'uesa neeluc te muc'ul ts'amte' te c'atal ta asite. Jich ya xju' awu'un sloq'uesel te ch'in ac te ochem ta sit te awermanoe.

San Lucas 6:42 Referans Kwoze

2 Pedro 1:9

Pero te machꞌa ma jichuk ay yuꞌune, jachik kꞌoem tutꞌil jtul chok o te machꞌa ma xyil kꞌinal ta jakale. Chꞌayix ta yoꞌtan te tutꞌil pokbilix yuꞌun te smul te sleoj te nail toe.

2 Timoteo 2:21

Jich yuꞌun teme ay machꞌa ya sakutes sba skuenta yuꞌun ya xtuun yuꞌun te Kajwaltike, ya skꞌan te ya sakutes sba yuꞌun spisil te tut ma tsaꞌamuke. Jich me chapal ya xkꞌot yuꞌun spasel te lekil aꞌtelile.

2 Corintios 5:18

Spisil lito jaꞌ yaꞌtel te Diose, te la yakꞌ junajuk koꞌtantik sok ta skuenta te Cristoe. Y la yaꞌbotikix kaꞌteltik te ya kaꞌbetik te ya xjunaj yoꞌtan sbaik sok Dios spisil te genteetike.

Romanos 2:1

Jaꞌ yuꞌun ma spas ya amak aba ta kꞌop, jaꞌat te ya awichꞌ jkuenta te yane, maꞌ awocheluk machꞌauk a. Teme ya awichꞌ jkuenta te yane, jaꞌat nax mismo ya awakꞌ aba ta chꞌayel. Porke tut yipalat ta yichꞌel ta jkuentae, jich mismo yipalat ta spasel euk.

Hechos 13:10

y la yalbe: —Te jaꞌate, jloꞌlawanejat, ma tsaꞌamuk te tut ay ta awoꞌtane. Xnichꞌanat pukuj, y akontrainej spisil te tut lek ta pasele. ¿Meꞌn ma xꞌakom aba ta smakbeyel sbe te Kajwaltike?

Hechos 8:21

Te jaꞌate ni maꞌyuk ta akuenta spasel to, porke ta sit te Diose ma tojuk awoꞌtan.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

San Lucas 22:32

Pero la jkꞌambeyix te Diose yuꞌun te manchuk ya xchꞌay te xchꞌuunel awoꞌtan ta jtojol te jaꞌate. Te jaꞌate te kꞌalal ya achaꞌsujtes awoꞌtan ta jtojole, koltaya me te awermanotake, aꞌbeya me smukꞌul yoꞌtanik —xchi.

San Lucas 13:15

Te Kajwaltike la yalbe: —Jaꞌex te ma tsaꞌamuk awoꞌtanike, ¿meꞌn ay wan jtuluk te jaꞌexe te makꞌ ya apolik ta skꞌaalel kuxo-oꞌtan te awakaxike sok te aburuike te ya xba awaꞌbeyik tal yuchꞌ jaꞌe?

San Mateo 26:75

Jich a snaꞌ ta ora te jPedroe te tut albil nail yuꞌun te Jesuse: “Ma to xꞌokꞌ a te tat kꞌoꞌe la amukonix ta awoꞌtan oxmel a” te xchie. Jicha lokꞌ bael teꞌa te jPedroe, ba yokꞌetay sba yuꞌun xpichꞌ yoꞌtan sba.

San Mateo 7:3

¿Tuꞌun jaꞌ ya awil te chꞌin kꞌapal te ay ta sit te awermanoe? Yan te mukꞌul trozo te ay ta asite makꞌ awil stukel.

San Mateo 7:4

¿Tutꞌil ya akꞌan ya awalbe te awermanoe: “Aꞌbon jlokꞌesbeyat te chꞌin kꞌapal te ay ta asite”, teme ya awute, y jaꞌat ay to mukꞌul trozo ta asit atukel?

San Lucas 6:41

¿Tuꞌun te jaꞌ ya awil te chꞌin kꞌaꞌpal te ay ta sit te awermanoe? Yan te mukꞌul troso te kꞌatal ta asite, makꞌ ya awil stukel.

San Lucas 6:43

Maꞌyuk lekil teꞌ te ma tsaꞌamuk sit ya yakꞌe, sok maꞌyuk ma tsaꞌamuk teꞌ te tsaꞌam sit ya yakꞌe.