San Lucas 6:29 - Nuevo Testamento Tzeltal de Amatenango

²⁹ Teme ay machꞌa ya smajbeyat te jmejch achoe, aꞌbeya smaj te jmejch xane. Sok teme ay machꞌa ya spojbeyat te akotone, a me yichꞌ bael euk ta akamixe, ma me tuti awal yuꞌun.

Bible in Tzeltal Bachajón

²⁹ Te mach'a ya smajbat acho, ac'a smajbat schebal; soc te mach'a ya spojbat amuc'ul-c'u', a'beya ec te anahtil-c'u'e.

Bible in Tzeltal de Oxchuc y Tenejapa

²⁹ Teme ay mach'a ya smajbat te achoe, ac'beya smajbat xan te yan mejch'e. Soc teme ay mach'a ya spojbat te ac'u'e, ac'beya te anajt'il-c'u'e, ma me ayuc bila ya awal yu'un.

San Lucas 6:29 Referans Kwoze

Hebreos 10:34

Te jaꞌexe la xpichꞌin awoꞌtanik te machꞌatik aylan ta prexoe. Y asta jun awoꞌtanik te la awakꞌik bael ta pojel te tut ay awuꞌunike, yuꞌun anaꞌojik te tut ay awuꞌunik ta chꞌulchan te mas ben tsaꞌame sok te sbajtel kꞌinal ay stukele.

2 Corintios 11:20

sok kujchem awuꞌunik te machꞌatik ya sujex ta mantaltesele, sok te machꞌa ya slajinbeyex te tut ay awuꞌunike, sok te ya sloꞌlayexe, sok te machꞌa mukꞌ ya yakꞌ sba ta atojolike, o sok te machꞌa ya smajbeyex awelawike.

1 Corintios 6:7

Te tutꞌil jich ya xlijk kꞌop awuꞌunike, teꞌ ya xchiknaj a te ataojik tsalele. ¿Me ma jaꞌuk lek te yauk xkujch awuꞌunik te kꞌope? ¿Sok me ma jaꞌuk lek te ay tut ya yelkꞌanbeyex baele?

San Juan 18:22

Kꞌalal jich a yal te Jesuse, te jtul polisia te teꞌ tekꞌel ae la yaꞌbe mam jpajkꞌ ta sit te Jesuse, y la yalbe: —¿Meꞌn jich ya ajakꞌbe skꞌop te statal saserdotee? —xyut.

San Mateo 26:67

Jich lijk stubutayik ta sit y lijk smajik. Te yanetik la smakbeyik sit

1 Corintios 4:11

Asta te ora to ma jilemuk te jwokoltik ta wiꞌnale y sok te takin tiꞌile y te maꞌyuk lek jkꞌuꞌ-jpakꞌtike. Te gentee ya smajotik, sok maꞌyuk ba ay jnajtik.

San Lucas 22:64

La smakbeyik sit ta pakꞌ y la yaꞌbeyik poraso ta sit. Y la yalbeyik: —Ala kaꞌitik: ¿Machꞌa a te la smajate? —xyutik.

Hechos 23:2

Jich te jꞌAnanias, ta jaꞌ statal saserdotee, la yalbe te machꞌatik tijil ay sok te jPablo te ya yaꞌbeyik jpajkꞌuk ta stiꞌe.

San Lucas 6:30

Machꞌauk a teme ay tut ya skꞌanbeyexe, aꞌbeyaik. Sok teme ay machꞌa ya spojbeyex te tut ay awuꞌunike, ma me akꞌambeyik sujtel.