San Lucas 4:22 - Nuevo Testamento Tzeltal de Amatenango

²² Spisilik lek skꞌoplal yuꞌunik te Jesuse, sok toj cham a yaꞌiyik yuꞌun te ben tsaꞌam te skꞌope. Sok la sjojkꞌobe sbaik: —¿Me ma wan jaꞌuk te xnichꞌan Jose te winik to? —xchiik.

Bible in Tzeltal Bachajón

²² Spisilic la yalbeyic lec sc'oblal soc xcham yo'tanic yu'un te yutsil sc'op te la yale. Hich la yalic: ¿Ma bal ha'uc te snich'an José? xchihic.

Bible in Tzeltal de Oxchuc y Tenejapa

²² Spisilic lec bajt' sc'oplal yu'unic te Jesuse, soc bayal ayan yo'tanic yu'un te bit'il buen t'ujbil la yaiybeyic te sc'ope. La sjojc'obey sbaic: —¿Ma bal ja'uc snich'an José in winic to? —xiic.

San Lucas 4:22 Referans Kwoze

San Juan 6:42

Y la yalik: —¿Me ma wan jaꞌuk te Jesus te xnichꞌan Josee? Te joꞌotike ya jnaꞌbetik sba te state y sok te smeꞌe. ¿Tuꞌun te ya yal te ora to te koem tal ta chꞌulchane? —xchiik.

Tito 2:8

Jaꞌ me xꞌawal te lekil kꞌop te maꞌyuk machꞌa ya xjuꞌ ya skome. Jich me ya sta kꞌexlal machꞌauk a te ya xlijk skontrainate, yuꞌun ma spas ay tut ma lek ya yalbeyate.

Hechos 6:10

pero ma juꞌ yuꞌunik te ya stsalik ta kꞌope. Porke jaꞌ ya yal te tut aꞌbil spꞌijil yoꞌtan yuꞌun te Chꞌul Espiritue.

San Juan 7:46

Te polisiaetik la sjakꞌik: —Maꞌyuk machꞌa jich ya xkꞌopoj te tutꞌil ya xkꞌopoj jaꞌi winik to —xchiik.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

San Lucas 2:47

Spisil te machꞌatik la yaꞌibeyik sluwar skꞌop te Jesuse, lom cham a yaꞌiyik, yuꞌun beno spꞌijil ta sjakꞌel te aꞌabiyeje.

San Lucas 2:48

Te kꞌalal ilot yuꞌun te smeꞌ-state, la sjikꞌ yoꞌtanik yuꞌun. Jicha albot yuꞌun te smeꞌe: —Jchꞌin kal, ¿tuꞌun te jich la apasbotik to? Te atate sok te joꞌone beno yajtal koꞌtantik ya jlejtikat —xchi.

San Lucas 4:21

Te Jesuse lijk ta kꞌop, jich a yal: —Te kꞌaal to jaꞌa kꞌotix ta pasel ta atojolik te tut la awaꞌibeyik sluwar te tsꞌibabil jilel ta Sjun te Diose —xchi.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.