San Lucas 3:13 - Nuevo Testamento Tzeltal de Amatenango

¹³ Te Juane la yaltalanbe: —Te tojemal ya akꞌanike ma me kꞌaxemuk ya akꞌanik te tutꞌil mantal awichꞌojike —xyut.

Bible in Tzeltal Bachajón

¹³ Ma me xac'anic xan yan te bin ut'il halbil ya yich' c'anele, xchi.

Bible in Tzeltal de Oxchuc y Tenejapa

¹³ La yal te Juane: —Te patan-taq'uin te ya ac'anique, ma me xjelaw ta c'anel awu'unic a te bit'il mandal awich'ojique —la yut.

San Lucas 3:13 Referans Kwoze

San Lucas 19:8

Te Zaqueoe tejkꞌaj jajchel. Jich a yalbe te Kajwaltike: —Ilawil, Kajwal, ya me jkꞌebenbey oliluk te stutik kuꞌun te meꞌbaꞌetike. Sok teme ay machꞌa kelkꞌanojbe stutik yuꞌune, ya me jsujtesbe chanmel ta mas sjelol te tut kelkꞌanojbeye —xchi.

Efesios 4:28

Te machꞌa ya xꞌelkꞌaje, a me sjiles te elekꞌe, sok a me aꞌtejuk ta skꞌab ta spasel te tut leke. Yuꞌun jich me ay tut ya xjuꞌ ya yaꞌbe chꞌinuk te machꞌatik ay nesesidad yuꞌune.

San Mateo 7:12

“Jaꞌ yuꞌun spisil te tut ya skꞌan awoꞌtanik ya spasbelex yuꞌun te yane, jich me xꞌapasbey euk. Yuꞌun jich ay te tut ya yal te mantaliletik yuꞌun Moises sok te tut yaloj jilel te jꞌalwanejetik yuꞌun te Diose.

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.

San Lucas 3:12

Ay a tal skꞌanik ichꞌjaꞌ euk te jkꞌan-tojemaletik yuꞌun Romae. La sjojkꞌobeyik te Juane: —Maestro, ¿Tut ya skꞌan ya jpastik euk te joꞌtike? —xchiik.

San Lucas 3:14

Ay a laj tal soltaroetik. Tal sjojkꞌoyik euk: —Jal tsꞌin joꞌotik, ¿tut ya skꞌan jpastik? —xchiik. La sjakꞌtalanbe: —Ma me machꞌa xꞌapojbeyik stutik yuꞌun ta akꞌajkꞌalik. Sok ma me xꞌalebeyik smul te machꞌa maꞌyuk tut spasoje. Teyukex me a te atojolik te ya yaꞌbelexe —xyut.