San Lucas 23:3 - Nuevo Testamento Tzeltal de Amatenango

³ Te jPilatoe la sjojkꞌobe: —¿Me jaꞌat te reyat yuꞌun te juriyoetike? —xchi. La sjakꞌ te Jesuse: —Jaꞌat te jich ya awale —xchi.

Bible in Tzeltal Bachajón

³ Ha yu'un te Pilato la sjoc'obe te Jesús: ¿Ha'at bal Ajwalilat yu'un te judíohetique? xchi. Ha'at nix yac awalbel, xchi te Jesús.

Bible in Tzeltal de Oxchuc y Tenejapa

³ Te Pilato jich la sjojc'obey te Jesuse: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

San Lucas 23:3 Referans Kwoze

1 Timoteo 6:13

Te ora to, ya jpasat ta mantal ta stojol te Diose, te ya yaꞌbe xkuxlejal spisil te tutik aye, y ta stojol te Jesucristoe te jich jamal a yal sba euk ta sit te Poncio Pilatoe.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Lucas 22:70

Te nax a spisilik a sjojkꞌobeyik: —¿Meꞌn jaꞌat te Xnichꞌanat te Diose? —xyutik. Te Jesuse la sjakꞌtalanbe: —Jich tutꞌil ya awalike, joꞌon nanix a —xchi.

San Marcos 15:2

Te Pilatoe la sjojkꞌobe te Jesuse: —¿Me jaꞌat te Mukꞌul Reyat yuꞌun te Juriyoetike? —xchi. La yal te Jesuse: —Jaꞌat te jich ya awale —xchi.

San Juan 19:3

Te nax a la stsob sbaik tal ta stojol, sok lijk yalbeyik: —¡Viva te rey yuꞌun te juriyoetike! —xchiik ta yikꞌtinel. Y la smajbeyik te yelawe.

San Lucas 23:38

Sok ay pakꞌbil jun letrero chꞌujteb ta sjol krus te tsꞌibabil ta griego-kꞌop sok ta latin-kꞌop sok ta hebreo-kꞌop: “Jaꞌto, jaꞌ te rey yuꞌun te juriyoetike”, xchi te letreroe.

San Marcos 15:32

Teme batsꞌil jaꞌ Cristo te mam rey kuꞌuntik joꞌotik te israelotike, koꞌuk tal ta krus ta ora kiltik. Jich me ya jchꞌuuntik tsꞌiin —xchiik. Sok te Jesuse ikꞌtinot yuꞌun te machꞌatik pajal jokꞌajtik ta krus soke.

San Marcos 15:18

Y lijk yawutayik: —Mero mam reyat yuꞌun te judioetike —xchiik ta yikꞌtinel.

San Mateo 27:11

Te Jesuse ikꞌot bael ta stojol te gobiernoe. Jich jojkꞌobot: —¿Me jaꞌat te reyat yuꞌun te juriyoetike? —xchi. La yal te Jesuse: —Jaꞌat te jich ya awale —xyut.

San Juan 18:29

Jaꞌ yuꞌun te jPilatoe lokꞌ tal ta skꞌoponel, y la yaltalanbe: —¿Tut smul awuꞌunik te winik to? —xchi.