San Lucas 22:37 - Nuevo Testamento Tzeltal de Amatenango

³⁷ Porke ya kalbeyex te puersa ya xkꞌot ta pasel ta jkuenta te tut tsꞌibabil ta Sjun Diose te ya joyin ta ajtayel te jkꞌaxintayej-mantaletike. Yuꞌun spisil ya xkꞌot ta pasel te tut tsꞌibabil jilel jkꞌoplale —xchi te Jesuse.

Bible in Tzeltal Bachajón

³⁷ Como ya calbeyex te ya sc'an ya xc'oht ta pasel ta jtojol te bin ts'ihbabil: La yich' ahtayel soc jc'axun-mandaretic, te xchihe, como ya me xc'oht ta pasel te bin ts'ihbabil hilel jc'oblal, xchi te Jesús.

Bible in Tzeltal de Oxchuc y Tenejapa

³⁷ Ya calbeyex te puersa ya xc'ot ta pasel te bila ts'ibubil jilel ta bay Sjun te Diose: “La sjoin ta ajtayel te jmulawiletique”, te xie. Ya me xc'ot ta pasel spisil te bit'il ts'ibubil jilel jc'oplale —xi' te Jesuse.

San Lucas 22:37 Referans Kwoze

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

San Lucas 23:32

Sok yikꞌojik kꞌael cheb winketike te bayal tut ma tsaꞌamuk spasojike yuꞌun pajal ya xba jojkꞌanek ta krus sok te Jesuse.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

San Juan 17:4

La kakꞌix ta ilel te alekilal ta balmilale, yuꞌun juꞌix ta pasel kuꞌun te tut la awaꞌbon jpase.

San Juan 10:35

Y jnaꞌojtik te ma xjuꞌ ta chꞌayel te tut ya yal te Sjun Diose. Dios la yal te dios sbiilik te machꞌa ay ta skuenta te skꞌop Diose.

San Lucas 18:31

Te Jesuse la yikꞌ tal ta stojol te lajchaytul jnopojeletik yuꞌune y la yaltalanbe: —Te ora to ya xmootikix bael ta Jerusalen. Teꞌ me ya xkꞌot ta pasel ta stojol te Nichꞌanile, te tut la stsꞌiba jilel te antibo jꞌalwanejetik yuꞌun te Diose.

San Lucas 22:22

Yuꞌun te Nichꞌanile puersa me ya xnel bael yuꞌun te tut albil jilel skꞌoplale. Pero oꞌol me sba te winik te machꞌa ya yakon entregale —xchi te Jesuse.

San Marcos 15:27

Sok ay cheb elekꞌetik te la yichꞌik jokꞌanel ta krus soke, jtul ta sbatsꞌil sok jtul ta xkꞌexom.

San Lucas 22:36

Te Jesuse jich a yaltalanbe: —Te ora to te machꞌa ay smorale a me yichꞌ bael, sok teme ay yawil stakꞌine. Y te machꞌa maꞌyuk spuñale, aꞌ xchon te skapae, aꞌ sman junuk a.

San Lucas 22:52

Te nax a la yalbe te stataletik yuꞌun te saserdoteetike y sok te statal polesiaetik yuꞌun te jkanan-temploe sok te moletik te talemik ta stsakel bale, jich a yal: —¿Meꞌn jꞌelekꞌon te tal atsakikon bale sok ateꞌik sok apuñalik?

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

San Marcos 15:28

Jich a kꞌot ta pasel te tut tsꞌibabil ta Sjun Diose te “Ya me sjoyin ta ajtayel te chꞌay-mantaliletike”, te xchie.