San Lucas 20:47 - Nuevo Testamento Tzeltal de Amatenango

⁴⁷ Sok ya spojbeyik sna sok stutik yuꞌun te meꞌbaꞌ antstike. Y lom jal ya skꞌoponik Dios ta sitik komon yuꞌun ya skꞌanik kꞌupinel. Jaꞌ me mas tulan kastigo ya xꞌakꞌtalanbot —xchi te Jesuse.

Bible in Tzeltal Bachajón

⁴⁷ ya yich'beyic sna me'ba' antsetic, soc naht ya sc'oponic Dios yu'un ya x'ilotic. Ya me yich'ic tulan castigo, xchi.

Bible in Tzeltal de Oxchuc y Tenejapa

⁴⁷ Soc ya spojbey sna sbiluc te me'ba antsetique. Ja'uc me to, jal ya sc'oponic Dios ta comonsitil, yu'un jich me ya xcuyotic ta lec. Ja'ic te c'axem to xan castigo ya x'ac'botique —xi' te Jesuse.

San Lucas 20:47 Referans Kwoze

San Marcos 12:40

Sok ya spojbeyik sna sok stutik te biudaetike. Sok jal ya skꞌoponik Dios ta komonsitil, yuꞌun jich me ya xkuyot ta lek a. Jaꞌik me te mas tulan kastigo ya xꞌaꞌbotik —xchi te Jesuse.

Santiago 3:1

Kermanotak, jaꞌ lek teme maꞌyuk bayalex te ya xꞌochex ta maestro. Yuꞌun anaꞌojikix te machꞌatik ya jnojpestike, anaꞌojik te ya xꞌilbot yaꞌtel yuꞌun Dios.

Tito 1:16

Ya yalik te snaꞌojbe sba te Diose. Pero ta skuenta te tut ya spasike, ya xchiknaj te ma snaꞌbe sbae. Jpꞌajawetik sok jkꞌaxintawanejetik. Ni ma xjuꞌ yuꞌun spasel te tut lek ta pasele.

San Lucas 12:1

Jich ora a stsob sbaik tal bayal genteetik te ba ay te Jesuse. Stenten sbaik tal ta stojol. Jich te Jesuse lijk yalbe primero te jnopojeletik yuꞌune: —Ila me abaik sok te levadura yuꞌun te fariseoetike, jaꞌ bi, jaꞌ te tutꞌil ma tsaꞌamuk yoꞌtanike.

San Mateo 23:13

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

1 Tesalonicenses 2:5

Jich tutꞌil anaꞌojik te ma lauk jmontikex ta ben tsaꞌam kꞌopetike. Ni ma lauk jletik tut ya kaltik skuenta yuꞌun ya jtatik takꞌin yuꞌune. Jaꞌ testigo kuꞌuntik te Diose.

San Mateo 23:14

“Ay pe jal jaꞌex, te maestroex yuꞌun te mantaliletike sok jaꞌex te fariseoexe jaꞌex te ma tsaꞌamuk awoꞌtanike. Yuꞌun te jaꞌexe ya apojbeyik sna sok stutik yuꞌun te meꞌba antstike. Pero jal ya akꞌoponik Dios ta sitil komon yuꞌun ya skuyelex te ben lek awoꞌtanike. Jaꞌ yuꞌun te jaꞌexe mas tulan kastigo ya awichꞌik atukelik.

San Lucas 20:46

—Ila me abaik yuꞌun te maestroetik yuꞌun te mantaliletike. Yuꞌun ya skꞌupinik te ya slapik ta beel te najtꞌil kꞌuꞌul-pakꞌale, y ya skꞌanik te ya xpatbot yoꞌtanik ta sitil komon ta parkee. Y ya sleik te primero naktajibal ba sinagogae yuꞌun ya skꞌanik akꞌel ta jkuenta. Sok ya smakik ta ora te primero naktajibal yuꞌun te ba ya stsꞌob sbaik ta weꞌele.

San Lucas 21:1

Te Jesuse yipal ta yilel te jkꞌulejetik te yipalik ta yakꞌel ochel smajtan Dios te ba yawile.