San Lucas 20:24 - Nuevo Testamento Tzeltal de Amatenango

²⁴ Aꞌbikon sejpuk te takꞌine. ¿Machꞌa slokꞌol te ya awilik ae, sok machꞌa sbiil te liꞌ tsꞌibabile? —xchi. La sjakꞌik: —Jaꞌ te mukꞌul rey Cesare —xchiik.

Bible in Tzeltal Bachajón

²⁴ A'bonic quil junuc denario. ¿Mach'a sloc'omba soc mach'a sbihil ini? xchi. Ha yu'un César, xchihic.

Bible in Tzeltal de Oxchuc y Tenejapa

²⁴ Ac'bon quil jsejbuc te taq'uine. ¿Mach'a yelaw te ya awilique soc mach'a sbiil te nacale? —xi'. La yalic: —Ja' te Cesare —xiic.

San Lucas 20:24 Referans Kwoze

San Mateo 18:28

“Pero kꞌalal lokꞌ bael te jꞌaꞌtele la sta sba sok jtul sjoy ta aꞌtel te ay chꞌinuk sbet yuꞌune. La stsak y la xmichꞌbe snukꞌ. La yalbe: “Tojbon te abete”, xyut.

Filipenses 4:22

Sok la stikonbeyex spajtil awoꞌtanik ta spisil te machꞌatik jtejklum yuꞌun te Diose. Jaꞌ bayal ya spatbeyex awoꞌtanik te machꞌatik jꞌaꞌteletik yuꞌun te César ta Romae.

Hechos 26:32

Te jꞌAgripae la yalbe te Festoe: —Ya xjuꞌ ya xkol bael te winik to, te ma jichuk a skꞌan stukel te jaꞌ ya xmeltsaanot yuꞌun te mukꞌul rey Cesare —xchi.

Hechos 11:28

Ay jtul te Agabo sbiile, la stejkꞌan sba ta skuenta te Chꞌul Espíritu, sok la yal te ya xtal bayal wiꞌnal ta spisil te balmilale. Jaꞌ kꞌot ta pasel a te kꞌalal ochem ta mukꞌul rey a te jClaudioe.

San Lucas 23:2

Teꞌ kꞌo slebeyik smul a. La yalik: —Te winik to ya slijkes kꞌop yuꞌun te jlumaltike. Ya yal te ma xjuꞌ ya jtojtik jtojemaltik yuꞌun te mukꞌul rey Cesare. Y ya yal te jaꞌ Cristo te rey stukele —xchiik.

San Lucas 20:22

¿Me lek te ya jtojtik te jtojemaltik yuꞌun te Cesare o ma lekuk? —xchiik.

San Lucas 3:1

Ayix kinse jaꞌbil ochem ta mukꞌ rey a te jTiberio Cesare, te Poncio Pilatoe jaꞌ ay ta gobiernoil ta estado Judea a, te jHerodese ay ta gobierno ta estado Galilea a, sok ay ta gobiernoil ta estado Iturea sok ta estado Traconite te Felipe, yitsꞌin te jꞌHerodese. Sok jaꞌ ay ta gobiernoil ta estado Abilinia te Lisaniase.

San Lucas 2:1

Jaꞌ stiempo a te la yal mantal te mukꞌul rey César Agusto te ya yichꞌ pasel senso ta spisil te nasion yuꞌune.

San Mateo 20:2

La xchap sok te yaj-aꞌtele te ya xtojtalanot jun denario-takꞌin te jun kꞌaale, y la stikonlan bael ta aꞌtel te ba ay te yubailtike.

San Mateo 22:20

Te Jesuse la sjojkꞌolanbey: —¿Machꞌa slokꞌol ya awilik te liꞌ aye sok machꞌa sbiil te liꞌ tsꞌibabile? —xchi.

San Lucas 20:23

Te Jesuse la snaꞌbe sluwar te ma tsaꞌamuk yoꞌtanik te tuti ba yalike. La yaltalanbe: —¿Tut yuꞌun te ya awilbikon koꞌtane?

San Lucas 20:25

Te Jesuse la yaltalanbe: —Te tut yuꞌun te Cesare, aꞌbeyaik; y te tut yuꞌun te Diose, aꞌbeyaik euk —xchi te Jesuse.

San Marcos 12:16

La yichꞌbeyik tal sejpuk. Kꞌalal la yil te Jesuse, la sjojkꞌoy yaꞌiy: —¿Machꞌa slokꞌol te ya awilik ae, sok machꞌa sbiil te liꞌ tsꞌibabile? —xchi. La sjakꞌik: —Jaꞌ te mukꞌ ajwalil Cesare —xchiik.