San Lucas 2:14 - Nuevo Testamento Tzeltal de Amatenango

¹⁴ “¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

Bible in Tzeltal Bachajón

¹⁴ ¡Bayel yutsil te Dios ay ta toyol, soc ay lamal q'uinal ta bahlumilal, ay yutsil yo'tan Dios ta stojol te ants-winiquetique! xchihic.

Bible in Tzeltal de Oxchuc y Tenejapa

¹⁴ “¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

San Lucas 2:14 Referans Kwoze

Romanos 5:1

Jich yuꞌun, libreix ayotik yuꞌun te jmultike ta skuenta nax te xchꞌuunel koꞌtantike. Jich bujtsꞌan kꞌinal ya kaꞌitik ta stojol Dios ta skuenta te Kajwaltik Jesucristoe.

San Lucas 19:38

y ya yalik: —Ben me tsaꞌam slekil te rey te talemix ta stojol te Kajwaltike. Butsꞌanix kꞌinal ta chꞌulchan, y ben me tsaꞌam slekil te Chꞌul Dios te ay ta chꞌulchane —xchiik ta kꞌop.

Colosenses 1:20

Y ta skuenta Cristo jich la skꞌan ya yakꞌ bujtsꞌan kꞌinal ta spisil te tutik aye, spisil te tutik ay ta balmilal sok te tutik ay ta chꞌulchane. La yakꞌ bujtsꞌan kꞌinal ta skuenta te xchꞌichꞌel Cristo te la smal ta kruse.

San Lucas 1:79

Ya me yakꞌ sakubuk kꞌinal ta stojol te machꞌatik ayik ta ijkꞌal kꞌinal sok ayik ta yaxinal lajele. Sok ya me stojutesotik bael ta sbelel te sbujtsꞌan kꞌinale —xchi te Zacariase.

Apocalipsis 5:13

Y jich a kaꞌiybe skꞌop ta spisil te tutik pasbil yuꞌun Dios ta chꞌulchane sok ta balmilale sok ta yeꞌtal te balmilale sok ta mar. Jich la yalik: “Te Machꞌa nakal ta mukꞌul naktajibale y sok te Chꞌin Karnerae, a me yichꞌ albeyel te slekilal, te akꞌel ta jkuenta, te stsaꞌamul, y te spoder ta sbajtel kꞌinale”, xchiik.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

San Juan 17:4

La kakꞌix ta ilel te alekilal ta balmilale, yuꞌun juꞌix ta pasel kuꞌun te tut la awaꞌbon jpase.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

Filipenses 2:11

Y ta spisil ya me yalik te jaꞌ ajwalil stukel ta Jesucristo. Yuꞌun jich me ay slekilal ya xkꞌot a te Dios Tatile.

San Lucas 3:22

Jicha koj tal te Chꞌul Espíritu ta stojol te Jesuse, chiknaj ta ilel jich tutꞌil te palomae. Sok ay a aꞌiyot kꞌop ta chꞌulchan te jich a yale: —Jaꞌat Jnichꞌanat te ben kꞌuxat ta koꞌtane. Ben tsaꞌam koꞌtan awuꞌun —xchi.

San Mateo 21:9

Te machꞌatik nailajemik baele sok te machꞌatik patilajemike la yawutayik: —¡Bayal slekilal! ¡Ben tsaꞌam slekil te machꞌa talem ta skuenta te Kajwaletike! ¡Bayal slekilal te chꞌul Dios te ay ta chꞌulchane! —xchiik ta yawutayel.

Efesios 1:9

Y la yaꞌbotikix jnaꞌtik te tut ya skꞌan yoꞌtan te ma chikanuke, jaꞌ te tut xchapoj stukel mismo te yaloj te jich ya xkꞌot ta pasel yuꞌune.

Efesios 1:6

Jich yuꞌun, sil tiempo ya jkꞌayojintik te slekilal te Diose, yuꞌun jich a yaꞌbotik bendision ta skuenta te Xnichꞌan te ben bayal skꞌanoje.

Filipenses 2:13

Yuꞌun te Diose stukel me ya yaꞌbeyex te tutik lek ya anopike, y stukel ya skoltayex bael ta spasel te tut ya skꞌan yoꞌtane.

Efesios 2:7

Jich me ya xchiknaj ta ilel ta patil bael te lom bayal skꞌuxul yoꞌtan yakꞌojbotike, sok ay slekil yoꞌtan ta jtojoltik ta skuenta te Cristo Jesuse.

Efesios 2:4

Pero te Diose lom bayal slekil yoꞌtan y bayal a skꞌanotik ta yoꞌtan.

San Juan 14:27

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Lucas 2:13

Ora nax a chiknaj tal ta xujk te jtul chꞌul ángel bayal chꞌul angeletik yuꞌun te chꞌulchane. Yipalik ta skꞌayojinel te Diose, jich a yalik:

San Lucas 2:15

Kꞌalal laj sujt bael ta chꞌulchan te chꞌul angeletike, te jkanan-karneraetike lijk yalbe sbaik ta jujutul: —Konik ta Belen abi. Yax ba kiltik te tut kꞌoemix ta pasel te la yalbotikix te Kajwaltike —xchiik.