San Lucas 18:30 - Nuevo Testamento Tzeltal de Amatenango

³⁰ ya yichꞌbe bayal sjelol liꞌ ba balmilale, sok ta patil bael ya me yichꞌ xkuxlejal sbajtel kꞌinal —xchi te Jesuse.

Bible in Tzeltal Bachajón

³⁰ bayel me xan ya yich' ta ora ini, soc ta patil ya me yich' scuxlejal sbahtel q'uinal, xchi.

Bible in Tzeltal de Oxchuc y Tenejapa

³⁰ bayal buelta ya x'esmaj sjelol ya yich' li'to ta balumilal, ta patil ya me staic xcuxlejalic sbajt'el q'uinal —xi' te Jesuse.

San Lucas 18:30 Referans Kwoze

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

San Mateo 12:32

Teme ay machꞌa ya skontra-kꞌoptay te Nichꞌanile, ya xjuꞌ ya spasbot perdon yuꞌun. Yan te machꞌa ya skontra-kꞌoptay te Chꞌul Espiritue ma xjuꞌ ya spasbot perdon yuꞌun stukel te jayeb kꞌaal kuxul liꞌ ba balmilale ni jaꞌuk ta patil ni ta sbajtel kꞌinal.

1 Timoteo 6:6

Batsꞌi jich te jaꞌ jun mukꞌul kꞌulejalil te tut jchꞌuunejtike, pero jaꞌ nax teme jun koꞌtantik yuꞌun te tut kichꞌojtike.

1 Timoteo 4:8

Ya xtuun chꞌinuk te ya jkꞌayestik te jtiꞌbalultike; yan te ya jkꞌayes jbajtik ta xchꞌuunel Diose, jaꞌ bayal ya xtuun yuꞌun stukel, porke ay me tut ya jtajtik a yuꞌun te jkuxlejaltik to y sok yuꞌun te jkuxlejaltik ta patile.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.