San Lucas 18:1 - Nuevo Testamento Tzeltal de Amatenango

¹ Te Jesuse la yaltalanbe jun seña-kꞌop yuꞌun jich aꞌ snopelan te ya skꞌopon Dios sil tiempoe, sok te makꞌ xcheꞌbaj yoꞌtanike.

Bible in Tzeltal Bachajón

¹ Te Jesús la yalbe ya'iyic sloc'ombahil c'op sc'oblal te ya sc'an ya sc'oponic Dios spisil ora soc te manchuc ya xpehc'aj yo'tanic,

Bible in Tzeltal de Oxchuc y Tenejapa

¹ Te Jesús la yalbey yaiyic yan seña-c'op, swenta yu'un jich me ya snopic te ma ba ya yijq'uitayic sc'oponel Dios spisil ora soc te ma xchebaj yo'tanic ta stojole.

San Lucas 18:1 Referans Kwoze

Colosenses 4:2

Ma me xꞌakom abaik ta skꞌoponel te Diose. Siluk me tiempo kuxul awoꞌtanik sok albeyaik kola yal te Diose.

Romanos 12:12

Kontento me xꞌamaliyik te lekilale. Kujchuk me awuꞌunik sok apuersaik te wokoletike. Ma me akom abaik ta skꞌoponel Dios.

1 Tesalonicenses 5:17

Ma me xꞌakom abaik ta skꞌoponel te Diose.

Filipenses 4:6

Ma me tut ya yakꞌ yajtal awoꞌtanik yuꞌun. Jaꞌ ya skꞌan ya akꞌoponik Dios yuꞌun ta spisil te tut ya xtuun awuꞌun, y albeyaik kolayal ekꞌa.

Efesios 6:18

Siluk me tiempo kꞌoponaik te Diose. Wokoletanik y kꞌanbeyaik Dios te siluk tiempo ya stojutesex te Espiritue. Kuxuluk me awoꞌtanik. Ma me cheban awoꞌtanik, y kꞌoponbeyaik Dios spisil te machꞌatik xchꞌuunejik Diose.

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

Gálatas 6:9

Jich yuꞌun ma me wakꞌ lubukotik ta spasel te tut leke. Porke teme ma xchebaj koꞌtantike, ya me sta stiempoil te ya kilbeyik sit te kaꞌteltike.

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

San Lucas 11:10

Porke te machꞌa ay tut ya skꞌambe te Diose, ya me xꞌaꞌbot yuꞌun. Sok te machꞌa ya sle te tut ya skꞌane, ya me sta. Sok te machꞌa ya xkꞌopoj ta tiꞌpuertae, ya me xjeꞌbot.