San Lucas 17:3 - Nuevo Testamento Tzeltal de Amatenango

³ Ila me abaik yuꞌun. “Teme ay jtuluk awermano te ay tut ma tsaꞌamuk ya spasbeyate, ban kꞌopona ta lek nax. Teme la sujtes yoꞌtane, pasbeya me perdon yuꞌun.

Bible in Tzeltal Bachajón

³ ¡Tsahtaya me abahic! Teme ay la sta smul ta atojol te awermano, tsitsa; teme ya suhtes yo'tan, pasbeya perdón.

Bible in Tzeltal de Oxchuc y Tenejapa

³ Tsajtaya me abaic te ja'exe. “Teme ay awermano te la sta smul ta atojole, baan, c'opona ta sbelal. Teme la sujt'es yo'tane, pasbeya me perdón yu'un.

San Lucas 17:3 Referans Kwoze

San Mateo 18:21

Te jPedroe tal sjojkꞌobe te Jesuse: —¿Kajwal, jayeb buelta ya skꞌan ya jpasbe perdon teme ay tut ma tsaꞌamuk ya spasbon te kermanoe? ¿Me tey a te jukeb bueltae? —xchi.

Santiago 5:19

Kermanotak, teme ay machꞌa ya yijkitay te tut batsꞌi jiche, ya skꞌan ya akoltay tal sujtel.

2 Juan 1:8

Ila me abaik te jaꞌexe yuꞌun ma me jowiluk ya xchꞌay te awꞌatelike, sino ke jaꞌ te tsꞌakal ya awichꞌik te amajtanike.

Hebreos 12:15

Oꞌtaninaik te ma me machꞌa ma staik te lekilal yuꞌun te Diose. Ma me ayuk machꞌa jich kꞌoem te tutꞌil jwol wamal te ay yisim te ma lekuk te ya yixlan te gentee.

Efesios 5:15

Jaꞌ yuꞌun, ila me abaik ta lek te tutꞌ ayexe. Ma me jichuk nax xꞌanex tutꞌil machꞌatik maꞌyuk tut snaꞌik. Pꞌijanik me.

San Lucas 21:34

“Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.