San Lucas 17:21 - Nuevo Testamento Tzeltal de Amatenango

²¹ Maꞌyuk machꞌa ya yal: “Liꞌiyix to”, o “Lum ayix to”, maꞌyuk machꞌa xchi ta yalel. Porke ayix ta mantal ta awolilik te Diose —xchi te Jesuse.

Bible in Tzeltal Bachajón

²¹ soc ma ba ya yalic: Ilawil, li' ayixi, o: Ilawil, tey ay a, ma xchihuc, como ay ta awohlilic te cuentahinel yu'un Dios, xchi.

Bible in Tzeltal de Oxchuc y Tenejapa

²¹ “La', ilawil li'to” soc “Baan, ilawil lum to” ma'yuc mach'a xi' ta yalel, melel ayix ta awolilic te bit'il ay ta ajwalinel te Diose —xi' te Jesuse.

San Lucas 17:21 Referans Kwoze

San Mateo 12:28

Pero te joꞌone ya jlokꞌes pukujetik ta skuenta te Espíritu yuꞌun te Diose. Teꞌ chikanix ta ilel ta jamal a te lijkix ta mantal ta awolilik te Diose.

Romanos 14:17

Porke te tut ay ta ajwalinel te Diose ma ta skuentauk weꞌel o uchꞌajel. Jaꞌ nax teme toj ya xkuxuyinotike sok teme jun koꞌtantike y sok te bujtsꞌan kꞌinal ta skuenta nax te Chꞌul Espiritue.

San Marcos 13:21

“Teme ay machꞌa jich ya yalbeyexe: “Ilawil, liꞌ ayix te Cristoe”, teme xchie, o teme yan ya yal: “Lum ayix to”, teme xchiꞌe, ma me chꞌuunik.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

San Lucas 21:8

Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

San Lucas 17:23

Ay me machꞌatik ya yalbeyex: “La, ilawil liꞌ ayix to”, o “Koꞌn kiltik lum ayix to”, ya me yutex. Pero ma me baanik, ni ma me tsꞌakliyik bael.

San Juan 1:26

Te Juane la sjakꞌtalanbe: —Te joꞌone ya nax kakꞌ ichꞌjaꞌ ta jaꞌ. Pero ay jtul ta machꞌa ay ta awolilik te ma xanaꞌbeyik sbae,

San Juan 18:36

Te Jesuse la sjakꞌbe: —Te tutꞌil ajwalilone, ma jaꞌuk ta skuenta te balmilal to. Te yuꞌunuk jaꞌuke la me spasik pleto te abatetik kuꞌun te jichuke, yuꞌun jich ma yakꞌelon entregal ta skꞌab te juriyoetike. Pero ma jaꞌuk ta skuenta te balmilal to te tutꞌil ajwalilone —xchi.