San Lucas 17:1 - Nuevo Testamento Tzeltal de Amatenango

¹ Te Jesuse la yalbe te jnopojeletik yuꞌune: —Puersa me ay yalesel ta mulil. Pero oꞌol me sba te machꞌa ya syaleswan ta mulile.

Bible in Tzeltal Bachajón

¹ Te Jesús hich la yalbe te jnopojeletic yu'un: Fuersa ay ya xtal yahltesel ta mulil, pero ¡ay me swocol te mach'a ya xyahlteswan!

Bible in Tzeltal de Oxchuc y Tenejapa

¹ Te Jesús la yalbey te jnopojeletic yu'une: —Puersa ay yalesel ta mulil, ja'uc me to, ya me yil swocol te mach'a ya syaleswan ta mulile.

San Lucas 17:1 Referans Kwoze

San Mateo 18:7

Oꞌol sbaik te genteetike skaj te yalesel ta mulile. Puersa ay machꞌatik ya syaleswan ta mulil, pero oꞌol me sbaik te machꞌa jich ya spase.

1 Corintios 8:13

Jaꞌ yuꞌun, teme ta skaj jweꞌel te ya kakꞌ yaluk ta mulil te kermanoe, jaꞌ lek te makꞌ jweꞌ te weꞌele, yuꞌun jich makꞌ xyal ta mulil ta jkuenta a.

Romanos 14:13

Jaꞌ yuꞌun, makꞌ me kal kaꞌbiyan jbatik ta juju-tulotik. Jaꞌ lek, jaꞌ ya aleik te tut makꞌ xchebaj yoꞌtan yuꞌun a te awermano te makꞌ xyalesot ta mulile o te ma lekuk ya xbajt sok te xchꞌuunel yoꞌtane.

1 Corintios 11:19

Yuꞌun ya kaꞌiy te jaꞌexe puersa ya xba apit abaik ta juju-tijkꞌ; yuꞌun te ya xchiknaj a te machꞌa batsꞌi xchꞌuunej te Diose.

Romanos 16:17

Kermanotak, aꞌwokolikuk ila me abaik yuꞌun te machꞌatik ya yakꞌ dibisione sok te ya yakꞌex ta mulile, yuꞌun jaꞌ ya skontrainik te tut jich la yaꞌbelex anopik te jaꞌexe. Ma me ajoyin abaik sok.

San Mateo 16:23

Te Jesuse la sujtes sba, la yalbe te Pedroe: —Kꞌeja aba ta jtojol, Satanas. Ma me xꞌamakon. Maꞌyuk ta awoꞌtan te tut ya skꞌan yoꞌtan te Diose. Jaꞌ nax ay ta awoꞌtan te tut ya skꞌan yoꞌtan te genteetike —xyut.

1 Corintios 10:32

Ma me awakꞌik ta ilel te tut ma tsaꞌamuk ta stojol te yane, ni jaꞌuk te juriyoetike, ni te machꞌatik ma juriyouke, ni te machꞌatik ayikix ta stojol te Diose.

Apocalipsis 2:14

“Pero ay tut amulinej kuꞌun. Te teꞌey awuꞌun jtul cheb te ma skꞌan sjilesik te tutiꞌ yakꞌ ta nopel te jBalaame, te la yaꞌbe snop te jBalac te tutꞌil a yakꞌ mulawuk te jꞌisraeletike, te la yaꞌbe sweꞌ te weꞌeliletik te milbil smajtanin lotil diosetike y sok te lijkik ta antsiwejele.

Apocalipsis 2:20

Pero ay tutiꞌ amulinej ta jtojol te maꞌyuk tut ya awalbey te ants Jezabele, te ya yal te jꞌalwanej yuꞌun Dios ta skꞌope, pero ya sloꞌlay te jꞌaꞌteletik kuꞌun yuꞌun te tut ya yakꞌ ta nopele. Sok te ya yakꞌtalanbe spas antsiwejel, y ta sweꞌel weꞌeliletik te milbil smajtanin te lotil diosetike.

San Lucas 16:31

“Pero te jꞌAbrahame la yalbe: “Teme ma skꞌan yakꞌ ta jkuenta te tut ya yal te jMoisese sok te jꞌalwanejetik yuꞌun te Diose, ni ma jaꞌuk ya xchꞌuunik a, manchuk me ay anima ya xchaꞌkux tal”, xchi te jꞌAbrahame —xchi ta yalel te Jesuse.

1 Timoteo 4:1

Pero jamal ya yal te Espiritue: Ta slajibal kꞌaal ay machꞌa ya sjilesik ta chꞌuunel te Diose. Jaꞌ ya xbajt ta yoꞌtanik te skꞌopik jloꞌlawanejetike y te nojpesel yuꞌun te pukujetike.