San Lucas 16:9 - Nuevo Testamento Tzeltal de Amatenango

⁹ “Joꞌon ya kalbeyex: Leaik me machꞌa ya akꞌuxutay aba sok ta skuenta te akꞌulejal liꞌ ba jmulawil balmilal to, yuꞌun te kꞌalal ya xlaj te akꞌulejale, ay me machꞌa ya yikꞌat ochel te ba kuxlejal sbajtel kꞌinale.

Bible in Tzeltal Bachajón

⁹ Ho'on ya calbeyex, lehahic mach'atic yac ac'uxultay abahic soc ta scuenta te c'uhlejalil yu'un te bahlumilale, scuenta yu'un te c'alal ya xlaj, ya me x'ic'otat ochel te banti ya x'ayinat sbahtel q'uinal.

Bible in Tzeltal de Oxchuc y Tenejapa

⁹ “Jo'on ya calbeyex: Leaic te mach'atic ya ac'uxtay aba soc a te ac'ulejal swenta in balumilal to, swenta yu'un jich me ya x'ic'otat ochel tey a ta bay ya x'ainat sbajt'el q'uinal te c'alal ya xlaj te ac'ulejale.

San Lucas 16:9 Referans Kwoze

San Mateo 19:21

La sjakꞌ te Jesuse: —Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.

San Mateo 6:24

“Ni jtul maꞌyuk machꞌa ya xjuꞌ yuꞌun ya yakꞌ sba ta abatinel yuꞌun te cheb ajwaliletike. Tem jiche, jaꞌ ya spꞌaj te jtule, yan te jtul xane kꞌux ta yoꞌtan stukel. Te jtule jun yoꞌtan ta stojol, pero ya spꞌaj te yane. Jich te jaꞌexe ma xjuꞌ awuꞌunik te ya awakꞌ abaik ta abatinel yuꞌun Dios teme jaꞌ snitojex te akꞌulejalike.

San Lucas 16:11

Jaꞌ yuꞌun teme ma junuk awoꞌtan ya akanantay te akꞌulejal ta skuenta te jmulawil balmilal to, ¿machꞌa kꞌan yaꞌbeyat akanantay te lekil kꞌulejalile?

San Lucas 14:14

Jich me ben tsaꞌam alekil yuꞌun, porke ma xjuꞌ yuꞌun te ya sujtesbeyat sjelol stukelike. Pero ya me awichꞌbe sjelol te kꞌalal ya xchaꞌkuxat tal sok te machꞌatik toj yoꞌtanik ta stojol Diose —xchi te Jesuse.

San Lucas 12:33

Chonaik te tut ay awuꞌunike, y kꞌebenbeya te meꞌbaꞌetike. Leaik yawil atakꞌinik te ma xꞌixtaje. Kꞌejaik ta chꞌulchan te akꞌulejalik te makꞌ xlaje, te makꞌ xꞌoch elekꞌ aye, sok te ba makꞌ xjochꞌube.

San Lucas 11:41

Te jaꞌexe kꞌebanaik te tut kꞌejbil awuꞌunike, jich me lek sapbil spisil a te spate sok te yutile.

2 Corintios 4:17

Te tut ya xkꞌax jwokoltik yuꞌun te jkuxlejaltik te ora toe ya xkꞌax stukel. Pero kꞌunkꞌun yipalotik ta stael te lekilal sbajtel kꞌinal te mas mukꞌ y te lom bayale.

San Lucas 16:13

“Maꞌyuk jtuluk aj-aꞌtelil te ya xjuꞌ yuꞌun te ya yakꞌ sba ta abatinel yuꞌun cheb yajwale. Teme jich aye, jaꞌ ya spꞌaj te jtule; yan te jtule kꞌux ta yoꞌtan stukel, jun yoꞌtan ta stojol. Pero te jtul xane maꞌyuk ta jkuenta yuꞌun. Jich te jaꞌexe, ma xjuꞌ awuꞌunik te ya awakꞌ abaik ta mantaltesel yuꞌun Dios sok te akꞌulejalike —xchi te Jesuse.

Hechos 10:31

La yalbon: “jCornelio, Dios a yaꞌibeyatix te akꞌope, y la snaꞌix te tut la apas te la akꞌeben atakꞌin yuꞌun la akoltay a te meꞌbaetike.

San Mateo 6:19

“Ma meꞌ xꞌatsob akꞌulejalik ta balmilal te ya xjochꞌube sok te ya stsaꞌube, sok te ba ya xꞌoch yelkꞌan te jꞌelekꞌetike.

Judas 1:21

Akꞌa abaik ta kanantayel ta skuenta xkꞌuxul yoꞌtan te Diose. Y maliyaik te tut kꞌaalil te ya yaꞌbotik te kuxlejal sbajtel kꞌinale te Kajwaltik Jesucristo, ta skuenta slekil yoꞌtan.

Hechos 10:4

Te jCornelioe la sle ta kꞌeluyel te ángele y sok xiꞌel la sjojkꞌobe: —¿Tut a Kajwal? —xchi te jCornelio. Albot yuꞌun te ángele: —Dios a yaꞌibeyatix te akꞌope sok la yilix te ya akꞌebenbe atakꞌin yuꞌun ya akoltay a te meꞌbaetike.

San Lucas 16:4

Ta ora to laj jnaꞌix te tut ya jpase, yuꞌun ay me machꞌa ya yikꞌon ta sna te kꞌalal maꞌyukix kaꞌtel aye”, xchi ta snopel.