San Lucas 15:15 - Nuevo Testamento Tzeltal de Amatenango

¹⁵ Ba skꞌan yaꞌtel te ba ay jtul winik te ba luwar ba aye, jich a stikon bael ta slum ta skanantayel chitam.

Bible in Tzeltal Bachajón

¹⁵ Hich baht sle a'tel ta stojol jtuhl winic te tey slumal a, ticonot bahel yu'un ta sq'uinal ta smac'linel chitametic.

Bible in Tzeltal de Oxchuc y Tenejapa

¹⁵ Jich ba sc'an yat'el ta stojol jtul winic ta bay te lume. Ja' la sticun bael ta sq'uinal ta smac'linel chitam.

San Lucas 15:15 Referans Kwoze

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

San Lucas 15:13

“Cheꞌoxeꞌ kꞌaal ta patil te ijtsꞌinale la xchon spisil te smajtan a aꞌbote, y te stojole jakal a bajt sok ta yan luwar. Teꞌ kꞌo slajin spisil a, chikan te tuti skꞌan yoꞌtan a slajin ae.

San Mateo 7:6

“Ma me xꞌawaꞌbe yixlan genteetik te tutik ben tsaꞌam yuꞌun te Diose. Porke ay me pajal yoꞌtanik tut tsꞌiꞌetik te ya xeꞌtalan ta weꞌel te tut ya xꞌaꞌbote sok ya xjuꞌ somex ta tiꞌel euk. Jich te tutik yuꞌun te Diose pajal sok perlaetik te ben tsaꞌam ta ilele. Jaꞌ yuꞌun maꞌyuk machꞌa ya yakꞌ ta ixtalanel ta tekꞌulanel yuꞌun chitametik te perlaetike.

San Lucas 15:14

Pero te kꞌalal laj yuꞌun spisil te stakꞌine, tal bayal wiꞌnal te ba luwar ba aye. Lijk chamuk ta wiꞌnal yuꞌun maꞌyukix tut xtuunix yuꞌun a.

San Lucas 15:16

Yoꞌtanuk ya skꞌan snojes xchꞌujt ekꞌa te sit teꞌ te ya sweꞌ te chitametike, pero maꞌyuk machꞌa aꞌbot yuꞌun.