San Lucas 13:32 - Nuevo Testamento Tzeltal de Amatenango

³² Te Jesuse la sjakꞌtalanbe: —Ben mañoske me to. Ban albeyaik: “Te ora to sok pajel ya to slokꞌes pukujetik sok ya to slekutes jchameletik. Chaꞌbej to wan laj ya xlaj yoꞌtan”, uta me.

Bible in Tzeltal Bachajón

³² Hich halbotic yu'un: Bahan, hich me xawalbeyic te waxe: Ya jloq'ueslan pucujetic soc ya jlecubtes jchameletic yo'tic soc pajel, ta yoxebal c'ahc'al ya jlajin te ca'tel, xchihanic me.

Bible in Tzeltal de Oxchuc y Tenejapa

³² La yal te Jesuse: —¡Pajal soc wax me to! Baan albeya yaiy: “Ta ora to soc pajel ya to jloq'ues pucujetic soc ya to me jlamantes jchameletic. Ja' to cha'wej te ya xlaj co'tane”, uta me.

San Lucas 13:32 Referans Kwoze

Hebreos 2:10

Spisil te tutik aye jaꞌ yuꞌun te Diose y jaꞌ ta skuenta te la yichꞌ pasele. Jaꞌ ya skꞌan te spisil yuntikil te ay sparteik te ba ay te slekilale. Jaꞌ yuꞌun, ta skuenta swokol te Jesuse, Dios la xchap te jaꞌ ben tsaꞌam jKoltawanej ya xkꞌot yuꞌunik te Jesucristoe.

Hebreos 5:9

Te tutꞌil lek a juꞌ yuꞌun spasele, chiknaj ta skuenta te kolel sbajtel kꞌinal yuꞌun spisil te machꞌatik ya xchꞌuunike.

Hebreos 7:28

Te mantaliletik yuꞌun te jMoisese ya yaꞌbe yaꞌtel ta statal saserdote te gente te maꞌyuk yipike. Pero te tuti yal ta jamal te Diose, te la spas ta patil yuꞌun te mantaliletike, la yaꞌbe yaꞌtel ta statal saserdote te Xnichꞌane, te tsꞌakal ya xjuꞌ yuꞌun spasel te yaꞌtele ta sbajtel kꞌinal.

San Juan 10:32

Pero te Jesuse la yaltalanbe: —Ta spoder te jTate bayal a jpas te tutik lek ta asitike. ¿Tut a te ya awaꞌbikon ton yuꞌune? —xchi.

San Marcos 6:14

Te rey Herodes la yaꞌi te tut yipal ta yalel te Jesuse, yuꞌun pujkix skꞌoplal ta bayuk nax. La yal tsꞌin te Herodese: —Te Juan Akꞌichꞌjaꞌe chaꞌkuxemix tal. Jaꞌ yuꞌun ben bayalix spoder ta spasel milagro —xchi.

San Juan 19:30

Te Jesuse la spas prewa te chꞌaal binoe, y la yal: —Spisil a juꞌix ta pasel —xchi. Te nax a la stsꞌinan ta koel te sjole y lokꞌ xchꞌulel.