San Lucas 13:19 - Nuevo Testamento Tzeltal de Amatenango

¹⁹ Jaꞌ pajal kꞌoem sok te sbakꞌ mostesia te ya stsꞌun ta skꞌal te jtul winike. Ya xchꞌi y mukꞌ ya xkꞌot te steꞌele. Te teꞌtikil mutetike ya xtal spas xpechechik te ba skꞌab kaꞌbe —xchi.

Bible in Tzeltal Bachajón

¹⁹ Ha pajal soc sbac' mostaza te la sts'un ta yawal-ts'unub jtuhl winic; ch'ihy soc muc' ste'el c'oht, soc te ha'mal mutetic la sluhtsan sbahic ta sc'abc'ab, xchi.

Bible in Tzeltal de Oxchuc y Tenejapa

¹⁹ Ja' pajal c'oem soc te sbac' mostazae te ya sts'un ta bay yawal-sts'unub te jtul winique. Ya xch'i soc muc' ste'el ya xc'ot. Te ja'mal mutetique ya xtal spas xpechechic tey a ta bay te sc'abc'abe —xi'.

San Lucas 13:19 Referans Kwoze

Hechos 4:4

Pero bayal te machꞌatik la xchꞌuunik te tuti altalanbot yuꞌun te jPedro sok te Juane. Y pꞌol te hermanoetike, jip ajtabil a te winketike ay wan sinko mil ta jtul.

Hechos 2:41

Jich te machꞌatik la yakꞌik ta jkuenta te skꞌop Dios te la yal te jPedroe, akꞌtalanbot yichꞌjaꞌ. Te kꞌaal abi ay wan tres mil ta jtul a pꞌolik te hermanoetike.

Hechos 21:20

Te kꞌalal la yaꞌiybeyik sluware, la yalbeyik kolayal Dios yuꞌun, y la yalbeyik te jPabloe: —Lek ay, hermano Pablo, la awilix te ay bayal ta jmil juriyoetik te xchuꞌuunejikix te Jesuse, y spisilik tulan skꞌoplal ta yoꞌtanik te puersa ya skꞌan chꞌuunel te mantaliletik yuꞌun jMoisese.

San Mateo 17:20

La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

Romanos 15:19

sok ta spoder te seña milagroetik, y sok ta spoder te Espíritu yuꞌun te Diose. Jich ta bayuk nax ta spamal te balmilale la kalix te lek achꞌ kꞌop yuꞌun kolel ta skuenta te Cristoe, kꞌalal ta Jerusalen y ta bayuk nax asta ta Estado yuꞌun Iliria.

San Lucas 17:6

Te Kajwaltike la sjakꞌtalanbe: —Teme jich ay xchꞌuunel awoꞌtanik chꞌinuk jich tutꞌil te xchꞌin bakꞌ mostesia, ya me xjuꞌ ya awalbeyik te sikomoro-teꞌ to: “Bula aba lokꞌel liye, ban tsꞌuna aba ta mar”, teme ya awute, y te teꞌe jich me ya xchꞌuunbeyat amantal.

San Marcos 4:30

La yal xan te Jesuse: —¿Tut a te pajal kꞌoem sok te tutꞌil ya xkꞌot ta ajwalinel te Diose? ¿Tut ya jpatik sok a?