San Lucas 12:48 - Nuevo Testamento Tzeltal de Amatenango

⁴⁸ Yan te jꞌaꞌtel te ma snaꞌojuk te tut ya skꞌan yoꞌtan te yajwale, te jaꞌ a spas te tut ay kastigo yuꞌune, chꞌin nax me ya stoj ta majel stukel. Te machꞌa bayal tut ya xꞌaꞌbote, bayal me te tut ya xkꞌambote. Jich euk te machꞌa bayal tut ya xꞌaꞌbot skanantaye, jich me bayal ya xkꞌambot sujtel stukel.

Bible in Tzeltal Bachajón

⁴⁸ Yan te a'bat ta scaj ma sna' te bin ya spas te ya yich' majel yu'une, ma ba bayel majel ya yich' stuquel, como spisil te mach'a bayel bin a'bot, bayel bin ya xc'ambot, soc te mach'a bayel bin a'bot scuentahin, c'ax hich ya xc'ambot suhtel a.

Bible in Tzeltal de Oxchuc y Tenejapa

⁴⁸ Yan te abat te ma ba sna'oj te bila la sc'an yo'tan te yajwale, te la spas te bila ay castigo yu'une, jteb nax majel ya x'ac'bot ta swenta stuquel. Te mach'a bayal bila ya x'ac'bote, bayal me te bila ya xc'anbote; soc uuc te mach'a bayal bila ya x'ac'bot swentaine, c'ax jich ya xc'anbot sujt'el stuquel.

San Lucas 12:48 Referans Kwoze

Santiago 3:1

Kermanotak, jaꞌ lek teme maꞌyuk bayalex te ya xꞌochex ta maestro. Yuꞌun anaꞌojikix te machꞌatik ya jnojpestike, anaꞌojik te ya xꞌilbot yaꞌtel yuꞌun Dios.

San Juan 15:22

Te manchuk a tal jkꞌopone, maꞌyuk smulik te jichuke. Pero te ora to ma xjuꞌix te ya smak sbaik ta kꞌop sok te smulike.

San Mateo 13:12

Jich te machꞌa ay tut ay yuꞌune, ya xꞌaꞌbot xan soy, jich me bayal tut ay yuꞌun ya xkꞌot. Yan te machꞌa maꞌyuk tut ay yuꞌune, ya xpojbot te tut ay yichꞌoj chꞌinuke.

1 Timoteo 1:13

manchuk me snaꞌoj te la jtoyba-kꞌoptay ta nail toe, sok la jtentalan y la kikꞌtinlan. Pero te Diose la yaꞌbon slekil yoꞌtan ta jtojol, yuꞌun te joꞌon ma to jchꞌuunejuk aye, sok maꞌ jnaꞌ te tutꞌ ayon ta pasele.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

1 Timoteo 1:11

Y te lekil nojpesel to, jaꞌ te tey ya jtatik a te ben tsaꞌam skꞌoplal yuꞌun te kolele, te jaꞌ a yaꞌbon kaꞌtelin te Diose te bayal slekilale.

San Lucas 16:2

Jich te jkꞌulej winike la stikon ta ikꞌel te yaj-kanane, y la yalbe: “Me jich te akꞌoplal te yipalon ta yaꞌiyele. Aꞌbon jil entregal te awaꞌtele, yuꞌun ma xjuꞌix te ya akanantaybon te stutik kuꞌune”, xyut.

1 Timoteo 6:20

Jaꞌat, jTimoteo, kanantaya me lek te tut kalojbeyate. Ma me awakꞌ achikin a te kꞌopetik skuenta balmilale te ma xtuune, ni te pꞌijil kꞌopetik te jowil nax te kuybil te ya snaꞌbe sluwarile.

Tito 1:3

Y te ora to, te la staix stiempoale, la yaꞌbotikix jnaꞌtik te skꞌoplal te tutꞌil ay ta alel, te jaꞌ la yaꞌbon kal ta skuenta smantal Dios te jkoltawanej kuꞌuntike.

San Lucas 12:41

Te jPedroe la sjojkꞌoy: —Kajwal, ¿me joꞌotik nax ya awalbotik te seña-kꞌop to, o ta spisil ya awalbe te yan xane? —xchi.

San Lucas 12:49

Tal kakꞌ tiluk kꞌajkꞌ ta balmilal. Koꞌtanuk te tilemixe.

San Mateo 23:14

“Ay pe jal jaꞌex, te maestroex yuꞌun te mantaliletike sok jaꞌex te fariseoexe jaꞌex te ma tsaꞌamuk awoꞌtanike. Yuꞌun te jaꞌexe ya apojbeyik sna sok stutik yuꞌun te meꞌba antstike. Pero jal ya akꞌoponik Dios ta sitil komon yuꞌun ya skuyelex te ben lek awoꞌtanike. Jaꞌ yuꞌun te jaꞌexe mas tulan kastigo ya awichꞌik atukelik.