San Lucas 11:1 - Nuevo Testamento Tzeltal de Amatenango

¹ Ay jun buelta yipal ta skꞌoponel Dios te Jesuse ta jun luwar, kꞌalal laj yoꞌtane albot yuꞌun jtul jnopojel: —Kajwal, nojpesaotik ta skꞌoponel Dios euk, jich tutꞌil te Juane la snojpes te jnopojeletik yuꞌune —xchi.

Bible in Tzeltal Bachajón

¹ Ay jun buelta yac ta sc'oponel Dios te Jesús ta jun lugar. C'alal laj yo'tan, hich halbot yu'un jtuhl jnopojel yu'un: Cajwal, ac'a jnopcotic sc'oponel Dios hich te bin ut'il te Juan la snohptes ta sc'oponel Dios te jnopojeletic yu'une, xchi.

Bible in Tzeltal de Oxchuc y Tenejapa

¹ Ay jun buelta te c'alal laj yo'tan ta sc'oponel Dios te Jesuse, ay jtul jnopojel te jich la yal: —Cajwal, p'ijubtesawotic ta sc'oponel Dios uuc jich bit'il te Juan la sp'ijubtes te jnopojeletic yu'une —xi'.

San Lucas 11:1 Referans Kwoze

Judas 1:20

Pero te jaꞌexe, kermanotak te kꞌuxex ta koꞌtane, junuk me awoꞌtanik yuꞌun te chꞌul kꞌop achꞌuunejike. Kꞌoponaik Dios ta skuenta te Chꞌul Espiritue.

San Lucas 6:12

Jaꞌ skꞌaalel a te ba skꞌopon Dios ta wits te Jesuse; spꞌejel ajkꞌubal la skꞌopon Dios teꞌa.

San Lucas 9:18

Ay jun kaal te Jesuse ba skꞌopon Dios ta stukel nax. Sjoyinej te jnopojeletik yuꞌune. La sjojkꞌolambe: —¿Tut ya yal ya awaꞌiy te genteetike? ¿Machꞌa ya skuyikon a? —xchi.

Hebreos 5:7

Te kꞌalal ay to ta balmilal a te Cristoe, tulan a kꞌopoj y bayal a okꞌ ta skꞌoponel y ta yalulanbeyel te Diose, te yauk xjuꞌ ya xkoltayot ta spoder yuꞌun te lajele. Y te tutꞌil xchꞌuunej mantale, Dios a aibot yuꞌun.

San Lucas 9:28

Ayix wan waxkeꞌ kꞌaal a te jich a yal te Jesuse, mo bael ta wits yuꞌun ba skꞌopon Dios teꞌa. La yikꞌ bael te jPedroe, te Jacoboe, sok te Juane.

San Lucas 7:13

La yil te Kajwaltike sok la snaꞌbe yoꞌolil sba te meꞌba antse. Jich a yalbe: —Ma okꞌan —xyut.

San Lucas 7:19

La stikon bael ta jojkꞌoyel ta stojol te Jesuse me batsꞌi jaꞌix te Cristo te ya xtale o ay to xan yan ya xtal.

San Lucas 10:42

Pero jun nax te tut puersa ya skꞌane. Te xMariae la stꞌujix te tut a te leke. Maꞌyuk machꞌa ya xjuꞌ ya xpojbot yuꞌun —xchi.

San Lucas 11:2

Altalanbot yuꞌun te Jesuse: —Te kꞌalal ya akꞌoponik te Diose jich me xꞌawalik to: Jtatik Dios te ayat ta chꞌulchane, aꞌ me chꞌuunekix ta lek te achꞌul-biile. Aꞌ me staix skꞌaalel te ya xꞌochat ta ajwalil. Laꞌ me pasa te tut ya skꞌan awoꞌtan ta balmilal jachik tutꞌil ta chꞌulchane.