San Lucas 10:18 - Nuevo Testamento Tzeltal de Amatenango

¹⁸ Te Jesuse la yaltalanbe: —Laꞌ nix a. Yuꞌun yipalon ta yilel te chꞌay ta koel ta chꞌulchan te Satanase. Jich xlemeta koel tutꞌil te chawuke.

Bible in Tzeltal Bachajón

¹⁸ Hich halbotic yu'un te Jesús: La jquil te hich ch'ay cohel tal ta ch'ulchan te Satanás te bin ut'il tsantsehwal.

Bible in Tzeltal de Oxchuc y Tenejapa

¹⁸ La yal te Jesuse: —Jich na'ax, melel yacon ta yilel te ch'ay coel tel ta ch'ulchan te Satanase. Jich la quil te bit'il xlememet ya xco tel te chawuque.

San Lucas 10:18 Referans Kwoze

Apocalipsis 9:1

Te yoꞌebal ángel la yokꞌesin te skornetae, y la kil jun ekꞌ te chꞌay tal koel ta chꞌulchan jul ta balmilal. Te ekꞌe aꞌbot te syaweul te chꞌen te lom toyole.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

1 Juan 3:8

Pero te machꞌa ya yaꞌtelin sleel smule, jaꞌ yuꞌun te pukuje. Porke te pukuje la sle smul desde ta slijkibal to tal. Jaꞌ yuꞌun te puersa a tal te Xnichꞌan Diose yuꞌun tal sjimbey te tut ya spas te pukuje.

Hebreos 2:14

Jich tutꞌil jun nax stiꞌbalul te yuntikil te jwol nae, jich euk te Jesuse la yichꞌ stiꞌbalul y xchꞌichꞌel jich tutꞌi gente, yuꞌun ta skuenta te ya xchame jich ya slajinbey spoder te machꞌa ya xmilawane, jaꞌ bi, jaꞌ te pukuje.

Apocalipsis 20:2

Te ángel to la stsak te chanbalam te xiꞌbentik sbae, jaꞌ te antibo chan te pukuj sok Satanas sbiile, y la xchuk ta kadena jmil jaꞌbil.

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.