San Lucas 1:77 - Nuevo Testamento Tzeltal de Amatenango

⁷⁷ Ya me awaꞌbe snaꞌik sluwar te jtejklum yuꞌune te tutꞌil ya spastalanbot perdon yuꞌun te smulike. Jich me ya sta skolelik sbajtel kꞌinal.

Bible in Tzeltal Bachajón

⁷⁷ yac awa'be sna'ic te pueblo yu'un sc'oblal colel te ay ta scuenta spasel perdón yu'un smulic,

Bible in Tzeltal de Oxchuc y Tenejapa

⁷⁷ Ya me awac'bey sna'ic stojol te lum yu'une te bit'il ya spasbotic perdón yu'un te smulique, te jich me ya sta scolelic sbajt'el q'uinal.

San Lucas 1:77 Referans Kwoze

Hechos 10:43

Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.

Hechos 5:31

Dios a yakꞌ ta akꞌel ta jkuenta, y la yakꞌix ta sbatsꞌil kꞌab, y la yakꞌix ta ajwalil sok ta jkoltawanej, yuꞌun jich me ya sujtes yoꞌtanik yuꞌun smulik ta stojol Dios te nasion israele, y jich me ya staik perdon yuꞌun te smulike.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

Hechos 3:19

Jaꞌ yuꞌun sujtesa awoꞌtanik ta stojol Dios te jaꞌexe y sujtesa awoꞌtanik yuꞌun te amulike. Jich me ya xchꞌaybeyex te amulike. Jich me ya sta yorail yuꞌun te Kajwaltik te ya slekutesexe,

San Juan 1:34

Te joꞌon kilojix, y joꞌon testigoon yuꞌun te jaꞌ Xnichꞌan te Diose —xchi te Juane.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

San Lucas 3:6

“Spisil genteetik ya me yil ta sitik te tutꞌil ay kolel yuꞌun te Diose,’ xchi me ta kꞌop”, xchi te jꞌIsaiase.

San Lucas 3:3

Te Juane la yokli spisil te tiꞌtiꞌjaꞌ Jordane. La yalbe spisil te genteetik te a me sujtes yoꞌtanik yuꞌun te smulike sok a me yichꞌik jaꞌ, yuꞌun jich me ya spasbot perdon yuꞌun Dios te smulike.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Romanos 3:25

Dios la yakꞌ te jaꞌ jPas-perdon kuꞌuntik te Cristoe, te la smal te xchꞌichꞌele. Te perdon to ya jtatik ta skuenta te xchꞌuunel koꞌtantike. Jaꞌ ya yakꞌ ta naꞌel a te toj stukel te Diose, te la yakꞌ kꞌaxuk te muliletik te nameye,

Hechos 19:4

Te jPabloe la yaltalanbe: —Jich. Te Juane la yaꞌbe yichꞌjaꞌ te machꞌatik ya sujtes yoꞌtanik yuꞌun smule. Pero la yaltalanbe te jaꞌ ya xchꞌuunik te machꞌa patil ya xtal yuꞌune, jaꞌ bi, jaꞌ te Jesus te Cristoe —xchi.