San Juan 8:49 - Nuevo Testamento Tzeltal de Amatenango

⁴⁹ Te Jesuse la sjakꞌtalanbe: —Ni maꞌyuk pukuj ta koꞌtan. Te tut ya jpase jaꞌ ya kakꞌ ta akꞌel ta jkuenta a te jTate. Yan te jaꞌexe ma baleukon ta awoꞌtanik.

Bible in Tzeltal Bachajón

⁴⁹ La sjac' te Jesús: Mayuc pucuj ta co'tan, ha ya quich' ta muc' te Jtate; pero te ha'exe, yac abohlobtesbonic jc'oblal.

Bible in Tzeltal de Oxchuc y Tenejapa

⁴⁹ La yal te Jesuse: —Ma'yuc te pucuj ta co'tane. Ja' nax ya cac' ta ich'el ta muc' te Jtate. Yan te ja'exe, ma'yuc jc'oplal ta awo'tanic.

San Juan 8:49 Referans Kwoze

1 Pedro 2:23

Te kꞌalal la yutik ta kꞌope, ni ma sjakꞌ ta utaw. Te kꞌalal la yaꞌbeyik swokole, ni ma tutiꞌ yal. Sino ke jaꞌ a yaꞌbe ta skuenta te Diose, te toj ya xchapawane.

San Juan 17:4

La kakꞌix ta ilel te alekilal ta balmilale, yuꞌun juꞌix ta pasel kuꞌun te tut la awaꞌbon jpase.

San Juan 14:13

Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

San Juan 11:4

Kꞌalal la yaꞌi te Jesuse la yal: —Te chamel te tabil ae makꞌ xcham yuꞌun. Yuꞌun nax ya xꞌakꞌot ta ilel slekil a te Diose, sok ya me xꞌakꞌot ta ilel slekil euk te xNichꞌan Diose —xchi te Jesuse.

San Juan 8:29

Porke sjoyinejon te Machꞌa la stikonon tale. Te jTate ma swolanejukon, porke jaꞌ ya jpas te tut lek yoꞌtan yuꞌune —xchi.

San Juan 12:28

JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.

San Juan 7:20

Te gentee la sjakꞌtalan: —Ay pukuj ta awoꞌtan. ¿Machꞌa a te ya smilate? —xchiik.

Hechos 5:41

Te apostoletike lokꞌik bael te ba stsoboj sbaik te machꞌaik ay yaꞌtele. Ben kontentoik yuꞌun, porke Dios jich a skꞌan te kꞌax swokolik ta ilbajinel ta skaj te Jesuse.

1 Corintios 11:14

Te tutꞌil ayotike mismo ya yaꞌbotik jnaꞌtik te jaꞌ jun kꞌexlal teme ya stsꞌijtes stsotsil sjol te winike.

1 Corintios 15:43

Te tut ya xmujke maꞌyuk ta jkuenta; te tut ya xchaꞌkuxe ben tsaꞌamix a. Te tut ya xmujke maꞌyuk spuersa; te tut ya xchꞌakuxe ayix spuersa a.