San Juan 8:34 - Nuevo Testamento Tzeltal de Amatenango

³⁴ Te Jesuse la yaltalanbe: —Jamal ya kalbeyex: Spisil te machꞌa ya xmulawe, jaꞌ mosoimbil yuꞌun te mulile.

Bible in Tzeltal Bachajón

³⁴ La sjac' te Jesús: Tulan sc'oblal ya calbeyex, spisil mach'a ya spas mulil, ha mosohimbil yu'un te mulile.

Bible in Tzeltal de Oxchuc y Tenejapa

³⁴ Jesús la yalbey: —Jamal ya calbeyex, spisil mach'a ya sleulay smul, ja' ay ta mosoil yu'un te mulile.

San Juan 8:34 Referans Kwoze

Romanos 6:16

Te jaꞌexe lom lek ya anaꞌik teme ya awakꞌ abaik ta mosoil ta stojol jtul ajwalil te ya achꞌuunike, teme jiche, mosoilex yuꞌun te awajwal te machꞌa ya achꞌuumbey smantale. Jich mismo teme ya achꞌuunik spasel te mulile, jaꞌ ya xꞌikꞌawan bael ta lajel. Teme ya achꞌuunik te Diose, jich ya xkuxuyinex ta jun kuxlejal te toj aye.

2 Pedro 2:19

Ya yalik te libre ayike, pero stukelik mismo ayik ta mosoinel yuꞌun te tut skuenta lajel. Porke spisil gente jaꞌ mosoinbil yuꞌun te tut ya stsalot yuꞌune.

Romanos 6:12

Jaꞌ yuꞌun, mame awakꞌ te jaꞌexe te sigue ya yuꞌuninbeyex mulil te atiꞌbalulik te ya xlaje, y te sigue ya sujotik ta xchꞌuunel te tut ya skꞌan yoꞌtan te jtiꞌbalultike.

Romanos 6:6

Jnaꞌojtik te tutꞌil ayotik te nail toe jojkꞌaj ta krus sok Cristo, yuꞌun teꞌ jimix jilel a te spoder te jkꞌaꞌ kuxlejaltik te puru mulil aye, y ma ba ya smosoinotik xan te mulile.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Romanos 7:25

Jaꞌ nax te Diose, jaꞌ te machꞌa ya kalbe kola yal ta skuenta te Kajwaltik Jesucristoe. Jich yuꞌun joꞌon mismo la jnaꞌix te ya skꞌan jchꞌuunbe smantal te Diose. Pero joꞌon sok te jtiꞌbalule ayon ta mantaltesel yuꞌun te mulile.

Romanos 8:21

te ya to xkolesot ta mosoil sok ta lajel, yuꞌun ya sta a te lekilal kolel te ya yichꞌik te machꞌatik yal xnichꞌan te Diose.

Romanos 7:14

Jnaꞌojtik te skuenta Dios te mantaliletike. Pero joꞌon sok te jtiꞌbalule chonbilon kꞌoem jich tutꞌil mosoil yuꞌun te mulile.

Hechos 8:23

Porke chikan ya kil te nojel ta awoꞌtan te bikꞌtal-oꞌtanile, sok te jaꞌ xchukojat te tut ma tsaꞌamuke —xchi te jPedroe.

San Juan 3:3

Te Jesuse la yalbe: —Jamal ya kalbeyat, te machꞌa ma xchaꞌayin ta achꞌe ma xjuꞌ ya yajwalin te Diose —xchi.

San Mateo 5:18

Jamal ya kalbeyex: Te jayeb xan kꞌaal te mato xlaj te chꞌulchan sok te balmilale, ni junuk chꞌin letra ni junuk punto ya xchꞌay skꞌoplal yuꞌun te mantaliletike, jaꞌ to teme kꞌot ta pasel spisile.