San Juan 8:19 - Nuevo Testamento Tzeltal de Amatenango

¹⁹ La sjojkꞌobeyik: —¿Ba ay te atate? —xchiik. Te Jesuse la sjakꞌtalanbe: —Te jaꞌexe ma xꞌanaꞌbikon jba sok ma xꞌanaꞌbeyik sba te jTate. Teme ya anaꞌbikon jba te joꞌone, jich euk te jTate ya anaꞌbeyik sba —xchi.

Bible in Tzeltal Bachajón

¹⁹ La yalbeyic: ¿Banti ay te Atate? xchihic. La sjac' te Jesús: Ma xana'bonic jba, soc ma xana'beyic sba te Jtate. Te yacuc ana'bonic jba, yac ana'beyic sba te Jtat te hichuque, xchi.

Bible in Tzeltal de Oxchuc y Tenejapa

¹⁹ Jich yu'un la yalbeyic: —¿Banti ay te atate? —xiic. La yal te Jesuse: —Te ja'exe ma x'ana'bonic jba soc ja' nanix jich ma x'ana'beyic sba uuc te Jtate. Teme ya ana'bonic jbae, ja' nix jich ya ana'beyic sba uuc te Jtate —xi'.

San Juan 8:19 Referans Kwoze

San Juan 16:3

Jich ya spasik yuꞌun ni ma snaꞌbeyik sba te jTate sok ma snaꞌbikon jba euk.

1 Corintios 15:34

Ilme abaik, ma me ale amulik. Yuꞌun ay jtul-cheb te jaꞌexe te ma xꞌanaꞌbeyik sba te Diose. Jich ya kalbeyex to yuꞌun ya xkꞌexawex a.

San Juan 7:28

Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

San Juan 1:10

Te machꞌa Skꞌop Diose ayix ta balmilal. Stukel ta skuenta te Dios a spas te balmilale, pero te machꞌatik ayik ta balmilale maꞌ snaꞌbeyik sba.

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Gálatas 4:9

Pero ta ora to ya anaꞌbeyikix sba te Diose, o jaꞌ mas lek ta alel te Dios ya snaꞌ abaik te jaꞌexe. ¿Tut yuꞌun te ya sujtex xan ta skuenta te tutꞌil maꞌyuk yip y te maꞌyuk spoderike, y te ya awakꞌ abaik ta mosoinel yuꞌune?

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

San Juan 15:21

Spisil to ya me spasbeyex ta joꞌon ta jkaj, porke ma snaꞌbeyik sba te machꞌa la stikonon tale.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Colosenses 1:15

Te Cristoe jaꞌ pajal sok ta ilel te Diose te ma xtailub ta ilele. Jaꞌ nail yuꞌun spisil te tutik aye.

Efesios 1:17

Ya jkꞌanbe te Diose yuꞌun te Kajwaltik Jesucristoe, te Tatil te lom bayal slekilale, aꞌ yaꞌbeyex te pꞌijilil ta skuenta te Espiritue, skuenta yuꞌun jich ya anaꞌik a te tut ya yakꞌ ta naꞌele, y ya me anaꞌbeyik sba ta lek.

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

1 Juan 2:23

Machꞌauk a te ma xyakꞌ ta jkuenta te Nichꞌanile jich ma xyakꞌ ta jkuenta ekꞌa te Tatile. Pero te machꞌa ya yal ta jamal te Nichꞌanile, jich ya yal ta jamal euk te Tatile.