San Juan 6:9 - Nuevo Testamento Tzeltal de Amatenango

⁹ —Liꞌ ay jtul chꞌin kerem to te ay joꞌpejch sebada-waj y sok chaꞌkojt chay. Pero ¿ba wan kꞌan juꞌuk a te bayal genteetike? —xchi.

Bible in Tzeltal Bachajón

⁹ Li' ay jtuhl querem te yich'oj ho'pehch pan pasbil ta cebada soc cha'coht bic'tal chay; pero ¿tic' bal a ini yu'un te ipal ants-winiquetic? xchi.

Bible in Tzeltal de Oxchuc y Tenejapa

⁹ —Ay ch'in querem li'to te yich'oj jo'pejch' cebada-waj soc cha'cojt' ch'in chay. Ja'uc me to, ¿banti c'an ts'acajuc a te bayalique? —xi'.

San Juan 6:9 Referans Kwoze

San Lucas 9:13

Te Jesuse la yaltalanbe: —Aꞌbeya sweꞌel atukelik —xchi. La sjakꞌtalanik: —Maꞌyuk weꞌelil kichꞌojtik. Jaꞌ nax joꞌpejch waj sok chaꞌkojt chay. ¿Meꞌn ya wan xjuꞌ xba jmambetik tal sweꞌelik te ipal genteetik to? —xchiik.

San Marcos 6:38

Jesus la yal: —¿Jayeb waj ay awuꞌunik? Baan ilawilik tal —xchi. Kꞌalal la yilik tal, la yalik: —Ay joꞌpejch waj sok chaꞌkojt chay —xchiik.

San Mateo 14:17

La yalik: —Maꞌyuk weꞌelil kichꞌojtik. Jaꞌ nax joꞌpejch waj sok chaꞌkojt chay —xchiik.

San Mateo 16:9

Yuꞌun ma to kꞌoemuk ta awoꞌtanik. ¿Meꞌn makꞌ anaꞌikix te joꞌpejch waj aꞌ weꞌik a te joꞌmil ta jtul winketike? ¿Sok meꞌn chꞌayix ta awoꞌtanik te jayeb xan moch te la spas sobraile?

San Marcos 8:19

jal te la jxatbey joꞌpejch waj yuꞌun te joꞌmil ta jtule? ¿Jayeb moch a noj xan a te sobrail la atsobike? —xchi. La sjakꞌik: —Lajchayeb —xchiik.

2 Corintios 8:9

Porke ya anaꞌikix te jaꞌexe, te Kajwaltik Jesucristoe ta slekil yoꞌtan, aunke kꞌulej stukel, la yakꞌ sba ta meꞌbaꞌ ta akajik te jaꞌexe. Yuꞌun te tutꞌil meꞌbaꞌ a yakꞌ sbae, jaꞌex akulejibex a.

Apocalipsis 6:6

Y te ba yolil ta xchanebal te tut kuxajtike la kaꞌiy jun kꞌop te la yale: “Jaꞌ nax jun kilo triwu te stojol te jun kꞌaal aꞌtele, y oxeb kilo sebada te stojol jun kꞌaal aꞌtele. Pero ma me awakꞌ chꞌayuk te aseite ni te binoe”, xchi.

San Juan 11:32

Kꞌalal kꞌot te xMaria te ba ay te Jesuse la skejan sba ta yok sok la yal: —Kajwal, te liyuk ayate maꞌ cham te kijtsꞌin te jichuke —xchi.

San Juan 11:21

Te xMartae la yalbe te Jesuse: —Kajwal, te liyuk ayate, te kijtsꞌine ma cham te jichuke.

San Juan 6:7

Te jFelipe la yal: —Te ayuk dosiento denario takꞌin yuꞌun ya jmantik a te waje, ma teyuk ya sta chꞌinuk a te juju-tule —xchi.

San Juan 6:11

Te Jesuse la yichꞌ ta skꞌab te waje, sok la yalbe kola yal Dios yuꞌun. Patil la yaꞌbe te jnopojeletik yuꞌune, y la spukbeyik te machꞌatik te nakajtik ae. Y jich mismo spas sok te chaye, la yaꞌbe spisil te machꞌatik la skꞌanike.

San Juan 21:9

Kꞌalal koik ta barko te ba lume, ay tsumbil kꞌajkꞌ a kꞌo staik, sok tsꞌajal ta yakꞌalel ay jkojt chay a, sok ay waj.

San Juan 21:10

Te Jesuse la yaltalanbe: —Ichꞌaik tal chaꞌox kojtuk te chay te laj to nax atsakik tale —xchi.

San Juan 21:13

Te nax a te Jesuse tijilaj bael te ba kꞌajkꞌe, la stsak ta skꞌab te waje, y la yakꞌtalanbe te jnopojeletike, y jich mismo spas sok te chaye.