San Juan 6:35 - Nuevo Testamento Tzeltal de Amatenango

³⁵ Te Jesuse la yaltalanbe: —Joꞌon wajon yuꞌun te kuxlejale. Te machꞌa ya xtal ta jtojole ni makꞌ xwiꞌnajix a, y te machꞌa ya xchꞌuunone, ni makꞌ xtakejix yoꞌtan a.

Bible in Tzeltal Bachajón

³⁵ Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

Bible in Tzeltal de Oxchuc y Tenejapa

³⁵ Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

San Juan 6:35 Referans Kwoze

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

San Juan 6:41

Te juriyoetike lijk yaꞌbiyanik te Jesuse yuꞌun jaꞌ te tuti yale: “Te joꞌon wajon te koemon tal ta chꞌulchan” te xchie.

Apocalipsis 7:16

Makꞌ xkꞌaxix swokolik ta wiꞌnal ni ta takin-tiꞌil. Ni makꞌ ya yaꞌiyikix xkꞌuxul kꞌajkꞌal, ni makꞌ ya xwokolajik yuꞌun te xkꞌixnale.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

San Mateo 11:28

Laꞌik me ta jtojol ta apisilik jaꞌex te lubenex yuꞌun te tulan aꞌtele sok te ijkatsejele. Joꞌon ya kaꞌbeyex akux awoꞌtanik.

San Lucas 6:25

Oꞌol me abaik jaꞌex te nojel achꞌujtꞌik te ora to yuꞌun ya me awilik wiꞌnal. Oꞌol me abaik jaꞌex te ya stseꞌnex te ora to, yuꞌun ya me xba okꞌanik yuꞌun te ajtal-oꞌtane.

San Juan 6:65

Jich la yal xan: —Jaꞌ yuꞌun la kalbeyex te maꞌyuk machꞌa ya xtal ta jtojol te manchuk ya xꞌikꞌot tal yuꞌun te Tatile —xchi.

San Juan 5:40

Te jaꞌexe ma xꞌakꞌan xtalex ta jtojol yuꞌun te ya ataik a te kuxlejale.

San Juan 4:15

Te antse la yalbe: —Xiꞌlel, aꞌbon te jaꞌ ya awale, yuꞌun makꞌ xtakejix koꞌtan a, y makꞌ xtalonix ta lik-jaꞌ a liꞌ ba posoe —xchi.