San Juan 5:28 - Nuevo Testamento Tzeltal de Amatenango

²⁸ Ma me lom chamuk ya awaꞌiyik yuꞌun, porke ya me sta yorail te spisil te animaetike ya me yaꞌibon jkꞌop,

Bible in Tzeltal Bachajón

²⁸ Ma me xchamuc awo'tanic yu'un, como ya me sta yorahil te spisil mach'atic ayic ta muquenal ya me ya'iybeyic sc'op

Bible in Tzeltal de Oxchuc y Tenejapa

²⁸ Ma me jchajbuc q'uinal ya awaiyic yu'un. Melel ya me sta yorail te mach'atic ayic ta muquenaletic ya me yaiybonic stojol te jc'ope,

San Juan 5:28 Referans Kwoze

Apocalipsis 20:12

Y la kil te animaetike, chꞌin ta mukꞌ, tekꞌajtik ta sit te mukꞌul naktajibale. Y la yichꞌ jamel te libroetike, y sok te jun xan libro jaꞌ te slibroil te kuxlejale. Te animaetike ichꞌtalanot jkuenta chikan te tut spasojike y sok te tut tsꞌibabil te ba libroetike.

Filipenses 3:21

Ya me syanutesbotik bael te jtiꞌbalultik te maꞌyuk yipe, yuꞌun jich me ya xkꞌot te tutꞌil stiꞌbalul stukel te ben tsaꞌame. Y jich ya spas ta skuenta spoder te ya xjuꞌ yuꞌun spasel ta mantal spisil te tutik aye.

1 Corintios 15:22

Y jich tutꞌil ta skuenta jꞌAdan spisil ya xchamik, jich ta skuenta Cristo spisil ya sta xkuxlejal.

San Juan 3:7

Ma me lom chamuk ya awaꞌi te tuti kalbeyate te puersa me ya xchaꞌayin ta achꞌ spisil te genteetike.

San Juan 5:20

Yuꞌun te Tatile ben skꞌanoj te Nichꞌanile. Ya yaꞌbe yil spisil te tutik ya spase, y ya to yaꞌbe yil te mas mukꞌ te ya xkꞌot ta pasele te lom cham ya awaꞌiyik yuꞌune.

San Juan 4:21

Te Jesuse la sjakꞌbe: —Ants, chꞌuuna te tut ya kalbeyate: Ya me sta yorail te ma liyuk ba wits to ni ta Jerusalen te ya xba akejan abaik ta stojol te jTatik Diose.

Hechos 3:12

Kꞌalal jich a yil te jPedroe, lijk yaltalanbe: —Jaꞌex israeletik, ¿tuꞌun te toj cham la awaꞌiyike? ¿Tuꞌun te lek ya akꞌelubotik jsitike? ¿Meꞌn ya akuyik te joꞌotik aꞌ jlekutestik te winik to, o ya akuyik te la kakꞌtik benuk ta jpodertike, o jaꞌ ta skuenta te lek jchꞌuunejtik te Diose?

San Juan 4:23

Pero ya sta yorail, y yorailix te ora to, te kꞌalal te machꞌa batsꞌi ya skejan sbaik ta stojol te jTatik Diose ya me snaꞌbeyik lek sluwaril ta skuenta te Chꞌul Espíritu yuꞌun te Diose. Yuꞌun te jTatik Dios ya skꞌan te jich ya spasik te ya skejan sbaik ta stojole.

San Juan 5:25

Jamal ya kalbeyex, ya staix yorail, y yorailix te ora to te ya yaꞌibe sluwar te animaetik te skꞌop te xNichꞌan Diose. Y te machꞌa ya yaꞌiye, ya xkuxuyinik yuꞌun.

Hechos 24:15

Pajal ay xchꞌuunel koꞌtan ta stojol Dios sok te genteetik to te yipalon ta smaliyel te ya xchaꞌkux tal te animaetike, chikan teme lek o ma lekuk yoꞌtanike.