San Juan 5:22 - Nuevo Testamento Tzeltal de Amatenango

²² Te Tatile ma stukeluk ya xꞌichꞌawan jkuenta; jaꞌ a yakjbe ta skuenta te Nichꞌanile.

Bible in Tzeltal Bachajón

²² Soc te Tatil mayuc mach'a ya schahpan stuquel, ha ya'beyej ya'tel ta chahpanwanej te Nich'anil,

Bible in Tzeltal de Oxchuc y Tenejapa

²² Te Jtatic Diose, ma ja'uc ya yaiy chajbanwanej. Ja' yac'ojbeyix ta swenta te Nich'anile,

San Juan 5:22 Referans Kwoze

San Juan 5:27

Y yakꞌojbe yaꞌtel ta yichꞌel jkuenta te genteetike te tutꞌil jaꞌ te Nichꞌanile.

Hechos 17:31

Yuꞌun snaꞌojix te Diose te tut kꞌaalil ya yichꞌbe jkuenta yaꞌtel te gentee, ta skuenta te jtul winik te la stꞌuje, jaꞌ te Jesuse. Jamal a akꞌtalanbot yil spisil te kꞌalal la xchaꞌkuses tal te ba ay animaetike —xchi te jPabloe.

2 Corintios 5:10

Porke jpisiltik puersa me ya xkꞌo jtejkꞌan jbajtik ta sit te ba ya xchapawan te Cristoe, yuꞌun ta juju-tul ya yichꞌ te tut ya xkꞌot ta skuentae, chikan me lek o me ma lekuk te tutiꞌ spas te kꞌalal ay to sok stiꞌbalul ae.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

Hechos 10:42

Stukel a stikonotik te ya kalbeytik skꞌoplal te jtejklume, sok te ya kakꞌ jbatik ta testigo yuꞌune. Porke Dios a yaꞌbeyix yaꞌtel ta yichꞌel jkuenta te machꞌatik kuxajtik toe sok te machꞌatik chamenikixe.

San Juan 9:39

Te nax a la yal te Jesuse: —Joꞌon te talemonix liꞌ ba balmilal to yuꞌun jich me ya xchiknaj a te machꞌa leke sok te machꞌa ma lekuke. Yuꞌun jich te machꞌatik chokike ya me yilik kꞌinal; y te machꞌatik ya yilik kꞌinal ta skꞌopike, ya me xlaj sujt ta chok —xchi.

2 Timoteo 4:1

Tulan ya kalbeyat ta stojol te Diose y sok te Cristo Jesuse, te jich ya xtal tutꞌil rey ta yichꞌel jkꞌuenta te machꞌatik kuxajtik y sok te machꞌatik chamenike.

Romanos 2:16

Ya sta skꞌaalel yuꞌun Dios te ya yichꞌ jkuenta te Jesucristoe, sok te ya yal ta jamal te tut yilel te kaꞌteltike. Jich tutꞌil ya yal te lek achꞌ kꞌop te yipalon ta yalele.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

1 Pedro 4:5

Pero te stukelike ya me xkꞌo yakꞌik jkuenta ta stojol te Machꞌa ya yichꞌ ta jkuenta te machꞌatik kuxajtike y machꞌatik chamenike.

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Juan 3:35

Te Tatile kꞌux ta yoꞌtan te xNichꞌane; jaꞌ yakꞌojbe ta skꞌab spisil te tutik aye.

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.