San Juan 4:53 - Nuevo Testamento Tzeltal de Amatenango

⁵³ Te state la snaꞌ te jich ora a te albot yuꞌun te Jesuse: “Te anichꞌane kuxix” te xꞌutote. Jaꞌ yuꞌun te mamale sok swololik ta na la xchꞌuunik te Jesuse.

Bible in Tzeltal Bachajón

⁵³ Hich te stat la sna' te hich ora halbot yu'un Jesús: Cuxul te anich'an, te xchihe. La sch'uhun Jesús te winic soc spisil mach'atic ay yu'un ta sna.

Bible in Tzeltal de Oxchuc y Tenejapa

⁵³ La sna' stojol te winic te jich nix yorail a te la yal te Jesuse: “Te anich'ane ya xcuxin”, te xie. Jich la xch'uun soc sjunal sna.

San Juan 4:53 Referans Kwoze

San Lucas 19:9

Te Jesuse la yal: —Te ora to julix kolel liꞌ ba na to, porke te winik to jaꞌ stsꞌumbal euk te jꞌAbrahame.

Hechos 18:8

Te Crispo te statal yuꞌun te sinagogae la xchꞌuun euk te Kajwaltike sok spisil te machꞌa ay yuꞌun ta snae. Ay bayal corintioetik te kꞌalal la yaꞌiyik te skꞌop Diose la xchꞌuunik euk, y la yichꞌtalan jaꞌ.

Hechos 16:34

Patil la yikꞌtalan bael ta sna y la yakꞌtalanbe sweꞌel. Stukel sok te machꞌatik ay yuꞌune ben kontentoik yuꞌun te la xchꞌuunikix te Diose.

Hechos 11:14

Jaꞌ me ya yalbeyat te tutꞌil ya xjuꞌ xkolat sok spisil te machꞌa ay awuꞌune”, xꞌutot.

Hechos 16:15

Jicha aꞌbot yichꞌ jaꞌ sok spisil te machꞌa ay yuꞌun te snae. Ta patil la skꞌanbe pawor: —Teme la anaꞌikix te batsꞌi jun koꞌtan jchꞌuunej te Kajwaltike, laꞌ me, olananik liꞌ ba jnae —xchi. Y puersa a yalbotik te teꞌ ya xꞌanotik ae.

Hechos 2:39

Porke yalojix te Diose te ya yaꞌbeyex te Chꞌul Espiritue, sok euk te awuntikilike, y jich euk spisil te machꞌatik jakal ayike, chikan te jayeb machꞌa ya xꞌikꞌot yuꞌun te Kajwaltik Diose —xchi.

San Mateo 8:13

Te Jesuse la yalbe bael te statal-soltaroe: —Baan, sujtan bael ta ana. Jich me ya spasbelat te tutꞌil xchꞌuunej awoꞌtane —xyut bael. Te tut ora a yal te Jesuse, jich ora kol te yaj-aꞌtele.

San Juan 4:52

Te mamale la sjojkꞌolanbe te tut ora a te lijk lekubuk te xnichꞌane. La sjakꞌbeyik: —Wojey la una a te kom bael te skꞌajkꞌe —xchiik.

San Juan 4:51

Te kꞌalal nopol xkꞌotix ta sna ae, te yaj-aꞌteltake lokꞌik tal ta staik bael. La yalbeyik: —Te anichꞌane kuxix —xchiik.