San Juan 3:36 - Nuevo Testamento Tzeltal de Amatenango

³⁶ Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

Bible in Tzeltal Bachajón

³⁶ Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

Bible in Tzeltal de Oxchuc y Tenejapa

³⁶ Te mach'a ya xch'uun te Nich'anile, ya me xcuxin sbajt'el q'uinal. Te mach'a ma sc'an xch'uun te Nich'anile, ma xyil te cuxinele. Ja' nax quechel yilimba Dios ta stojolic.

San Juan 3:36 Referans Kwoze

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 1:12

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

1 Tesalonicenses 5:9

Porke te Diose ma jaꞌuk ya yakꞌotik te ya kichꞌtik kastigoe. Jaꞌ ya yakꞌ te ya xkꞌo jtaik te kolel ta skuenta te Kajwaltik Jesucristoe.

Efesios 5:6

Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

Romanos 5:9

Y te ora to libreix ayotik yuꞌun te jmultik ta skuenta te cham te Cristoe, sok mas to xan ya xkolotik ta libre yuꞌun te kastigo ta slajibal kꞌaal ta skuenta te Cristoe.

San Juan 8:51

Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

San Juan 10:28

Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

San Juan 3:3

Te Jesuse la yalbe: —Jamal ya kalbeyat, te machꞌa ma xchaꞌayin ta achꞌe ma xjuꞌ ya yajwalin te Diose —xchi.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

1 Tesalonicenses 1:10

Sok ya yalik xan te tutꞌil yipalex ta smaliyel te ya sujt tal ta chꞌulchan te Jesus te Xnichꞌan Diose. Jaꞌ te Jesus te la yichꞌ xchaꞌkusesel yuꞌun Dios te ba ay animaetike, sok te stukel ya skoltayotik yuꞌun te tulan kastigo ya xtale.

Gálatas 3:10

Yan te machꞌatik yaꞌtelinejik xchꞌuunel te mandaliletik yuꞌun jMoisese aylan ta skuenta chꞌayel. Porke te Sjun Dios jich ya yal: “Chꞌayel me ya xbajt machꞌauk a te ma spisiluk ya xchꞌuun spasel te tut tsꞌibabil ta sjunal yuꞌun te mantaliletike”, xchi me.

Romanos 8:1

Jaꞌ yuꞌun, ni maꞌyuk tut kastigoil ay ta skuenta te machꞌatik jun nax ay sok te Cristo Jesuse. Jaꞌ bi, jaꞌ te machꞌatik ma ta skuentaukix stiꞌbalul kuxulike; jaꞌikix te kuxulik ta skuenta te Espiritue.

San Lucas 3:6

“Spisil genteetik ya me yil ta sitik te tutꞌil ay kolel yuꞌun te Diose,’ xchi me ta kꞌop”, xchi te jꞌIsaiase.

Hebreos 10:29

¿Me yuꞌun ma xkꞌot ta awoꞌtanik te jaꞌexe te mas to xan tulan kastigo ya sta te machꞌatik ya xpuchꞌik ta tekꞌel te Xnichꞌan Dios y te ya spꞌajbeyik te xchꞌichꞌele, sok te machꞌatik ya yixta-kꞌoptay te Espíritu yuꞌun Dios te jaꞌ kꞌuxutaylanbil yuꞌune? Te xchꞌichꞌele jaꞌ te la xchap jil a te tratee, sok te ya slekuteswane.

Hebreos 2:3

¿Jaꞌ xan tutꞌil kꞌan kolukotik te joꞌotike, teme ixtaꞌ nax kuꞌuntik te kolel te lom mukꞌe? Yuꞌun jaꞌ mismo te Kajwaltik te stukel nail a yal skꞌoplal te kolel to. Ta patil te machꞌatik la yaꞌiyike la yalbelotik euk te joꞌotike te tutꞌil batsꞌi jich te skꞌoplale.

Romanos 4:15

Porke te mantaliletike ya me yakꞌ kastigo. Pero te ba maꞌyuk te mantalile, jich maꞌyuk tut ya xkꞌaxintayik a.

San Lucas 2:30

Porke la kilix ta sit te tutꞌil ay te jkoleltik awuꞌune.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.

San Marcos 16:16

Te machꞌa ya xchꞌuun sok ya yichꞌ jaꞌe, ya me xkol. Yan te machꞌa ma xchꞌuune ya me xꞌaꞌbot stoj smul stukel.

San Juan 4:36

Te machꞌa ya xꞌaꞌtej ta kꞌajoje ya yichꞌ stojol yuꞌun, y te sit te tut ya skꞌajike ya xkuxuyin sbajtel kꞌinal. Jich te machꞌa awaleje sok te machꞌa kꞌajojine, pajal me ben jun yoꞌtanik yuꞌun.

San Juan 6:58

Jaꞌ ya kalbe skꞌoplal te waj te koem tal ta chꞌulchane. Joꞌon te waj te ma pajaluk sok te mana-waj te la sweꞌik te antibo ameꞌ-atatike. La sweꞌik pero chamik bael. Te machꞌa ya sweꞌ te waj to ya xkuxuyin sbajtel kꞌinal —xchi te Jesuse.

Hechos 14:2

Pero te juriyoetik te maꞌ skꞌan a xchꞌuunike la xchebal-kꞌoptayik te machꞌatik ma juriyouke. Jich a lijk snop te ya yakꞌ ta kontrainel te hermanoetike.

Hebreos 3:18

¿Y machꞌatik a albot skꞌoplal yuꞌun Dios te makꞌ xꞌochik te ba ay luwar te kuxo-oꞌtan yuꞌune? Jaꞌ te machꞌatik maꞌ xchꞌuunbeyik smantale.

Hebreos 3:19

Y teꞌ ya kiltik a te maꞌ spas a ochik baele porke maꞌ xchꞌuunik.