San Juan 20:24 - Nuevo Testamento Tzeltal de Amatenango

²⁴ Te jTomas, te Loꞌalal xꞌalbote, jaꞌ te jtul te ta xlajchaytulul te jnopojeletike, jaꞌ ma teꞌeyuk a ba ay te sjoꞌtake te kꞌalal kꞌot te Jesuse.

Bible in Tzeltal Bachajón

²⁴ Pero te Tomás, te Dídimo yan sbihil, te jtuhl ta slahchaytuhlic, ma ba tey sjoquic a te c'alal tal te Jesús.

Bible in Tzeltal de Oxchuc y Tenejapa

²⁴ Ja'uc me to, te Tomás te Dídimo yan sbiil te ja' nix jtul ta slajchaytulul soc te jnopojeletique, ma ba tey a te c'alal tal Jesús ta bay stsoboj sbaique.

San Juan 20:24 Referans Kwoze

San Juan 11:16

Jich te jTomas, te “Loꞌalal” xꞌalbote, la yalbe te yan xan jnopojeletike: —Konikik euk. Koꞌn chamukotik sok —xchi.

Hebreos 10:25

Ma me jkom bajtik te ya jtsobilan bajtik, jich tutꞌil ya spasik te jtul chebe. Ya me skꞌan ya kaꞌbe bajtik spuersa koꞌtantik ta juju-tul. Y jaꞌuk to a te kꞌalal ya kiltik te xnopet ya xtal te skꞌaalel yuꞌun te Kajwaltike.

San Juan 21:2

Stsoboj sbaik a te Simon Pedroe sok te jTomas, te Loꞌalal xꞌalbote, sok te jNatanael te talem ta jtejklum Cana te ay ta slum Galileae, sok te xnichꞌnab Zebedeoe, sok xan te cheb jnopojeletik yuꞌun te Jesuse.

San Juan 14:5

Te jTomase la yalbe te Jesuse: —Kajwal, ma jnaꞌtik te ba ya xbaate. ¿Tutꞌil kꞌan jnaꞌtik te bee? —xchi.

San Mateo 10:3

sok Felipe, sok jBartolome, sok jTomas, sok jMateo te jkꞌan-tojemale, sok Jacobo te xnichꞌan Alfeoe, sok jLebeo te jTadeo a kꞌot sbiile,

San Mateo 18:20

Jich te ba ya atsob abaik ta cheb-oxeb teme joꞌon ta jkuentae, ayon me ta awolilik —xchi te Jesuse.

San Juan 6:70

Te Jesuse la sjakꞌtalanbe: —Me ma joꞌukon a tsaex te lajchaytulexe, pero ay jtul te jaꞌexe te ya xꞌuꞌuninot yuꞌun pukuje —xchi.

San Juan 6:71

Te tutꞌil jich a yal te Jesuse, jaꞌ a yalbe skꞌoplal te Judas te xnichꞌan Simon Iscariotee. Porke te Judase jaꞌ ya xꞌakꞌawan entregal, manchuk me jaꞌ jtuluk te ta xlajchaytulule.