San Juan 20:19 - Nuevo Testamento Tzeltal de Amatenango

¹⁹ Xꞌijkꞌubix kꞌinal a, mismo primero kꞌaal yuꞌun a te semanae, te jnopojeletike stsꞌusoj sbaik ta na yuꞌun ya xiꞌik te statal juriyoetike. Te Jesuse och kꞌoel y xtekꞌlo kꞌoel ta yolil te jnopojeletike. La spatalanbe yoꞌtanik y jich a yal: —Junuk me awoꞌtanik —xchi.

Bible in Tzeltal Bachajón

¹⁹ Te c'alal ihc'ub q'uinal ta sba c'ahc'alil semana, macajtic a te puertahetic te banti stsoboj sbahic te jnopojeletic ta scaj te la xi'ic te judíohetic, tal te Jesús, la stehc'an sba ta yohlilic, hich la yal: ¡Lamaluc me q'uinal yac awa'iyic! xchi.

Bible in Tzeltal de Oxchuc y Tenejapa

¹⁹ Ja' nix te sba c'aalil semana te stsoboj sbaic ta ajc'ubal te jnopojeletique. Smacoj sbaic ta na scaj te ya xi'ic te judioetique. Te Jesús tal stejc'an sba ta yolilic, soc la yal: —Muc'ubenuc me q'uinal ya awaiyic —xi'.

San Juan 20:19 Referans Kwoze

San Juan 20:26

Waxkeꞌ kꞌaal ta patil te jnopojeletike la stsob sbaik xan ta jpꞌej na, y teꞌeyix ekꞌa te jTomase. Lek tsꞌusajtik yuꞌunik te tiꞌ puertaetike, pero te Jesuse och bael xtekꞌlo kꞌoel ta yolilik. La spatalanbe yoꞌtan y la yaltalanbe: —Junuk me awoꞌtanik —xchi.

San Juan 14:27

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

Efesios 2:14

Te Cristoe stukel ya yaꞌbotik bujtsꞌan kꞌinal, yuꞌun jun nax a yakꞌojtikix ta jun nax jtejklum, me juriyo o ma juriyouk. La sjim te pajkꞌ te xatꞌoj jbajtik yuꞌun te jkontrainej jbajtike.

2 Tesalonicenses 3:16

Y te Kajwaltik te ya yakꞌ bujtsꞌan kꞌinale, aꞌ yaꞌbeyex bujtsꞌan kꞌinal ta sil tiempo y ta spisil te tutꞌil ayexe. Akꞌa sjoyinex ta apisilik te Kajwaltike.

San Juan 7:13

Pero mukul nax yipalik ta yaꞌbiyanel skaj te ya xiꞌik te statal juriyoetike.

San Marcos 16:14

Ta patil to xan Jesus la yakꞌ sba ta ilel yuꞌun te buluchtul jnopojeletike te kꞌalal yipalik ta weꞌele. La yalbe ta jamal te maꞌyuk tut ya skꞌan xchꞌuunike sok te ben tulan yoꞌtanike, yuꞌun ma skꞌan xchꞌuumbeyik skꞌop te machꞌatik la yilikix te chaꞌkuxemix tale.

Apocalipsis 1:4

Joꞌon Juanon, ya jtsꞌibabey te juktijkꞌ hermanoetik te aylan ta estado Asia. Ichꞌbeyaik te slekil yoꞌtan y te butsꞌan kꞌinal yuꞌun te Machꞌa stalel aye, sok te stalel ay ta namey, sok te stalel ay sbajtel kꞌinal. Y sok euk te jukeb espirituetik te aylan ta sit te ba ay te smukꞌul naktajibe,

1 Corintios 15:5

La yakꞌ sba ta ilel yuꞌun te jPedroe y te nax a la yakꞌ sba ta ilel yuꞌun te lajchaytul apostoletike.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Hebreos 7:2

Jich te jꞌAbrahame la yaꞌbe te jun ta slajunebal ta spisil te tuti staoj tal te xkꞌotuk ta guerrae. Te jMelquisedec sbiile jaꞌ xyal: “rey te toj ya xchapawane”, te xchie. Y te tutꞌil jaꞌ rey yuꞌun te jtejklum Saleme, te jaꞌ xyal “te bujtsꞌan kꞌinale”, te sbiile jaꞌ xyal xan: “te rey yuꞌun te bujtsꞌan kꞌinale”, te xchie.

Filipenses 1:2

Te Jtatik Diose y sok te Kajwaltik Jesucristoe aꞌ yaꞌbeyex te slekil yoꞌtane sok te bujtsꞌan kꞌinal ta atojolike.

Efesios 6:23

Te Dios Tatile y sok te Kajwaltik Jesucristoe ya me yakꞌtalanbe te bujtsꞌan kꞌinal te hermanoetike. Y sok te xkꞌuxul-oꞌtanile sok te xchꞌuunel-oꞌtanile.

Romanos 15:33

Te Dios te ay bujtsꞌan kꞌinal ta skuentae, a me sjoyinex ta apisilik te jaꞌexe. Jichuk.

San Juan 16:22

Jich euk te jaꞌexe, ayex ta ajtal-oꞌtan te ora to, pero ya me kilbeyex xan asitik, y jich me ya xjunub awoꞌtanik. Te sbujtsꞌ awoꞌtanike maꞌyuk machꞌa ya spojbeyex.

San Mateo 18:20

Jich te ba ya atsob abaik ta cheb-oxeb teme joꞌon ta jkuentae, ayon me ta awolilik —xchi te Jesuse.

San Mateo 10:13

Teme lek a yaꞌiy te yajwal nae, ben bujtsꞌan kꞌinal ya xkꞌot yuꞌun. Yan teme ma lek a yaꞌiye, ya me sujt tal ta akuentaik te bujtsꞌan kꞌinal te ya awalbeyike.

San Juan 21:1

Ta patil te Jesuse la yakꞌ sba xan ta ilel ta stojol te jnopojeletik yuꞌune te ba tiꞌ jaꞌ yuꞌun te Tiberiase. Jich a spas te la yakꞌ sba ta ilele:

San Juan 21:14

Jaꞌ to jaꞌ yoxmelalix ya yakꞌ sba ta ilel a te Jesus ta stojol te jnopojeletik yuꞌune te kꞌalal chaꞌkuxemix tal ae.

Hechos 1:3

Y ta patil, te kꞌaxix tal yuꞌun a te milele, la yakꞌ sba ta ilel ta stekꞌlejal. Klaro a yakꞌtalan ta ilel te tutꞌil kuxulixe. Kuarenta kꞌaal a yakꞌ sba ta ilel ta stojolik. Y la yaltalanbe sluwar te tutꞌil ay ta ajwalinel te Diose.

3 Juan 1:14

Porke jnopoj te ya xtal kilat ta orae y ya xkꞌopojotik ta personal.