San Juan 20:17 - Nuevo Testamento Tzeltal de Amatenango

¹⁷ Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

Bible in Tzeltal Bachajón

¹⁷ Halbot yu'un te Jesús: Ma me xapicon, como ma to ba mohemon ta banti ay te Jtate; pero bahan, halbeya te quermanotac: Ya xmohonix bahel ta banti ay te Jtat soc te Tatil awu'unic, te Dios cu'un soc te Dios awu'unic, xchi.

Bible in Tzeltal de Oxchuc y Tenejapa

¹⁷ La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

San Juan 20:17 Referans Kwoze

San Juan 16:28

Lokꞌemon tal ta sit te Tatile yuꞌun te talon ta balmilale, y te ora to ya jilesix te balmilale. Ya sujtonix bael ta stojol te Tatile —xchi te Jesuse.

1 Pedro 1:3

Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

Gálatas 3:26

Yuꞌun te xchꞌuunel awoꞌtanik ta skuenta te Cristo Jesuse, ta apisilik te jaꞌexe yal xnichꞌanexix te Diose.

San Juan 17:11

“Te joꞌone makꞌ xꞌanonix ta balmilal. Pero te stukelike ya to xjilik ta balmilal. Yan te joꞌone ya xtalonix ta atojol. Chꞌul jTat, kanantaya sok te apoder te machꞌatik awakꞌojbone, yuꞌun jich me jun nax ya xkꞌotik ta spisilik, jich tutꞌil te jun nax ayotike.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

Apocalipsis 21:3

Y la kaꞌiy jun tulan kꞌop te teꞌ tal ba ay te mukꞌul naktajibale, te jich a yale: “Dios nainemix ta yolil te genteetike. Ayix sna ta yolilik. Y te stukelike jtejklum yuꞌun Dios ya xkꞌotik, sok mismo te Diose te ay ta yolilike, jaꞌ Dios ya xkꞌot yuꞌunik.

2 Corintios 6:18

Y joꞌon Tatilon me awuꞌunik, y te jaꞌexe kuntikilex me y kantsil-nichꞌanex me”, xchi te Kajwaltik te spisil ya xjuꞌ yuꞌune.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

San Mateo 28:7

Baanik ta ora, baan albeyaik te jnopojeletike te chaꞌkuxemix baele. Y ya me xnalaj bael awuꞌunik te ba Galileae. Teꞌ me ya xkꞌo awilik a. Jaꞌ me te tut ya kalbeyex to —xchi te chꞌul ángele.

San Mateo 12:50

Porke machꞌauk a te ya spas te tut ya skꞌan yoꞌtan te jTat te ay ta chꞌulchane, jaꞌ kitsꞌinab sok jaꞌ jmeꞌ kꞌoem —xchi te Jesuse.

Apocalipsis 21:7

Te machꞌa ya xjuꞌ yuꞌun tsalawe ya me xꞌaꞌbot yuꞌunin spisil te tutik ay. Y joꞌon me Dioson ya xkꞌoon yuꞌunik y te stukelik kal-jnichꞌan ya xkotik.

Hebreos 8:10

Te trate te ya jchap sok te Israele ta patil, jaꞌ me to: Ya me kaꞌbe ta sjolik te mantaliletik kuꞌune y ya me jtsꞌibabe ta yoꞌtanik. Joꞌon Dioson yuꞌunik ya xkꞌoon, y te stukelike jaꞌ jtejklum kuꞌun.

San Juan 20:27

Te nax a la yalbe te jTomase: —Otsesa liꞌ te yal akꞌab y ila awil te jkꞌabe. Y akꞌa tal te akꞌabe, otsea liꞌ ba jkostiyae. Ma me jichukat te tutꞌil machꞌa ma xchꞌuune. Chꞌuuna me —xchi.

San Juan 17:5

Te ora to, jTat, aꞌbon xan kichꞌ jlekilal ta atojol jich tutꞌil te pajal ay jlekilaltik te kꞌalal ma to xchiknaj a te balmilale.

San Juan 14:28

La me awaꞌiyikix te ya xboone y te ya xchaꞌtal joyinex xane. Teme batsꞌi jich te kꞌuxon ta awoꞌtanike, butsꞌanix kꞌinal ya awaꞌiyik te jichuke, porke la kalix te ya xboon te ba ay te jTate yuꞌun jaꞌ mas mukꞌ stukel ke te joꞌone.

San Juan 14:2

Te ba sna te jTate ay bayal luwar te ba ya xꞌanexe. Te jichuk ma jichuke, makꞌ ya kalbeyex te ya xba jchap jun luwar awuꞌunike.

San Juan 13:1

Pajel xanix ya xlijk a te kꞌin Pascuae. Te Jesuse snaꞌoj te kꞌotix yorail te ya sjiles te balmilal to, yuꞌun ya sujt bael te ba sTate. Te Jesuse sil tiempo kꞌux a yaꞌiy ta yoꞌtan te machꞌatik ay yuꞌun ta balmilale, y jich lom kꞌux ta yoꞌtan jaꞌto te kꞌalal bajte.

San Juan 7:33

Jich a yal te Jesuse: —Ma jalukix kꞌaal te ya joyinexe, y patil ya me sujton bael ta stojol te Machꞌa la stikonon tale.

San Lucas 10:4

Ma me awichꞌ amoralik, ni atakꞌinik, ni a jel-xanabik. Y ma me jalajanik ta spajtil-oꞌtanil ta be.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

Hebreos 11:16

Pero stukelike la skꞌan yoꞌtanik te ben tsaꞌam slumalike, jaꞌ bi, la skꞌan slumalin te chꞌulchane. Jaꞌ yuꞌun Dios mak xkꞌexaw te jaꞌ Dios yuꞌunike, yuꞌun chapojlanbe jun mukꞌul jtejklum.

San Marcos 12:26

Te tutꞌil ya ajojkꞌoyik te machꞌatik ya xchaꞌkuxik tale, ¿yuꞌun wan ma ba awilojik te tut tsꞌibabil jilel yuꞌun Moises te ba la yalbe skꞌoplal te pejtꞌ chꞌixteꞌ te yipal ta tilele? Jich a yal teꞌa te Diose: “Joꞌon Dioson yuꞌun te Abrahame sok te Isaake sok te Jacobe”, te xchie.