San Juan 20:16 - Nuevo Testamento Tzeltal de Amatenango

¹⁶ La yal te Jesuse: —Maria —xyut. Te antse sujt skꞌelu y la yalbe ta hebreo-kꞌop: —¡Raboni! —xchi. “Maestro”, xchi kꞌoem abi.

Bible in Tzeltal Bachajón

¹⁶ La yal te Jesús: ¡María! xchi. La sut sba te María: ¡Raboni! xchi. (Maestro, xchi c'ohem).

Bible in Tzeltal de Oxchuc y Tenejapa

¹⁶ La yal te Jesuse: —¡María! —xi'. Te antse la sujt'es sba. La sc'opon ta hebreo-c'op: —¡Raboni! —xi'. (“Maestro”, xi' c'oem.)

San Juan 20:16 Referans Kwoze

San Juan 10:3

Te jkanan-tiꞌ korale ya sjeꞌ te trankae, y te jkanane ya yikꞌ te juju-kojt te karnerae, ya sbiiltes, y ya xnaꞌbot sba skꞌop yuꞌun. Ya slokꞌes bael ta koral,

San Juan 1:38

Te Jesuse la skꞌelu sujtel y la yil te stsꞌaklajan tal ta spat te chaꞌtule. La sjojkꞌolanbe: —¿Tut ya aleik? —xchi. La yalik: —Maestro, ¿ba talemat? —xchiik.

Hechos 10:3

Jun kꞌaal, las tres mal kꞌaal wan a, aꞌbot yil ta stekꞌlejal yilel jtul chꞌul ángel yuꞌun Dios te tal te ba aye, y albot yuꞌun: —Cornelio —xchi a yaꞌiy.

Hechos 9:4

Te Sauloe tꞌuxaj kꞌoel ta lum y ay machꞌa kꞌopoj a yaꞌi te jicha yale: —Saulo, Saulo, ¿tuꞌun te ya awilbajinone? xchi.

San Juan 6:25

Te kꞌalal laj kꞌot te baꞌ jejch mare, teꞌ kꞌo staik a te Jesuse. La sjojkꞌobeyik: —Maestro, ¿tut ora julat liye? —xchiik.

San Juan 20:28

La yal te jTomase: —¡Kajwal kuꞌun! ¡Dios kuꞌun! —xchi.

San Juan 13:13

Te jaꞌexe ya awalbikon: “Maestro” y “Kajwal”. Ay rason te jich ya awalike, yuꞌun joꞌon a nix a.

San Juan 11:28

Patil te laj yal to, te xMartae ba yikꞌ tal te yijtsꞌine, jaꞌ te xMariae. Jicha kꞌo yalbe ta mukul: —Liꞌiyix to te Maestroe. Baan laj me —xchi.

San Juan 5:2

Ta Jerusalen ay estanke yuꞌun jaꞌ te tijil ay sok te yochibal stsꞌajkꞌul te jtujklume, te Yochibal Chijetik sbiile te Betesda sbiil ta hebreo-kꞌope. Te estanke yuꞌun jaꞌe ay joꞌeb parte yaxinal,

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Lucas 10:41

Jakꞌbot yuꞌun te Jesuse: —xMarta, bayal te tut baem ta awoꞌtan spasele. Ma me awakꞌ yajtal awoꞌtan yuꞌun.

San Mateo 14:27

Te Jesuse la skꞌoponlan ta ora: —Ayuk spuersa awoꞌtanik. Joꞌon ya awile, ma xiꞌanik —xchi.

San Marcos 10:51

Te Jesuse la sjojkꞌobey: —¿Tut ya akꞌan te ya jpasbeyate? —xchi. La yal te chok winike: —Maestro, ya jkꞌan te ya ajambon te jsite —xchi.