San Juan 19:30 - Nuevo Testamento Tzeltal de Amatenango

³⁰ Te Jesuse la spas prewa te chꞌaal binoe, y la yal: —Spisil a juꞌix ta pasel —xchi. Te nax a la stsꞌinan ta koel te sjole y lokꞌ xchꞌulel.

Bible in Tzeltal Bachajón

³⁰ C'alal laj sts'u'ts'uybel a te vinagre te Jesús, hich la yal: Hu'ix, xchi. Hich la sts'ohyan sjol, la yac' loc'uc sch'uhlel.

Bible in Tzeltal de Oxchuc y Tenejapa

³⁰ Te c'alal la sts'ub te vinagre te Jesuse, jich la yal: —Ju'ix cu'un —xi'. La stinan sjol soc loc' xch'ulel.

San Juan 19:30 Referans Kwoze

San Juan 17:4

La kakꞌix ta ilel te alekilal ta balmilale, yuꞌun juꞌix ta pasel kuꞌun te tut la awaꞌbon jpase.

Filipenses 2:8

Te tutꞌil jich a yakꞌ sba tutꞌil winike, kꞌax chꞌin a yakꞌ sba, sok la xchꞌuun te ya xbajt ta milel, jaꞌ te kꞌexlaltik sba te milel ta kruse.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

San Juan 10:11

“Joꞌon te lekil jkananone. Te lekil jkanane ya yakꞌ sba ta milel yuꞌun te skarnerae.

San Lucas 23:46

Te Jesuse tulan a awun y la yal: —Jtat, ya kaꞌbeyat ta akꞌab te jchꞌulele —xchi. Y te jich a yale, lok xchꞌulel.

Romanos 10:4

Porke te mantaliletike kꞌo lajuk skꞌoplal ta skuenta Cristo, yuꞌun jaꞌ ya skoltay yuꞌun smul spisil te machꞌatik ay xchꞌuunel yoꞌtanike.

San Juan 19:28

Te Jesuse snaꞌoj te spisil a juꞌix yuꞌun ta pasele. Yuꞌun jich ya xkꞌot ta pasel a te tut tsꞌibabil jile, la yal: —Takin koꞌtan —xchi.

San Marcos 15:37

Te Jesus tulan a awun, y cham.

San Juan 10:18

Maꞌyuk machꞌa ya spojbon te jkuxlejale yuꞌun joꞌon mismo ya kakꞌ jba ta milel. Ya xjuꞌ ya kakꞌ jba ta milel sok ya xjuꞌ ya jchaꞌichꞌon xan te jkuxlejale. Jich spasojon tal ta mantal te jTate —xchi te Jesuse.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Mateo 27:50

Tulan a awun xan te Jesuse y cham.

Hebreos 9:22

Jich la yal te mantaliletike te ya skꞌan ya yichꞌ lekutesel ta chꞌichꞌ ta spisile. Maꞌyuk perdon yuꞌun mulil teme maꞌyuk ya xmal chꞌichꞌe.

Romanos 3:25

Dios la yakꞌ te jaꞌ jPas-perdon kuꞌuntik te Cristoe, te la smal te xchꞌichꞌele. Te perdon to ya jtatik ta skuenta te xchꞌuunel koꞌtantike. Jaꞌ ya yakꞌ ta naꞌel a te toj stukel te Diose, te la yakꞌ kꞌaxuk te muliletik te nameye,

San Mateo 3:15

La yal te Jesuse: —Jich me wakꞌ yichꞌ pasel, yuꞌun ya skꞌan jpastik spisil te tut ya skꞌan yoꞌtan te Diose —xchi. Jich a yaꞌbe ichꞌ jaꞌ te Juane.

1 Corintios 5:7

Jich yuꞌun lokꞌesaik me te kꞌaꞌ levadura te ya yixlanexe. Yuꞌun jich me ya xkꞌoex te tutꞌil pan te pasbil ta achꞌ harina te maꞌyuk yichꞌoj levadura te ya xweꞌot ta kꞌin yuꞌun Pascuae. Yuꞌun jich me ayex te jaꞌexe. Porke te Cristo jaꞌ te chꞌin karnera a kꞌot yuꞌun te Pascuae, te stukel a cham te la yakꞌ sba ta majtanil kuꞌuntike.

San Lucas 22:37

Porke ya kalbeyex te puersa ya xkꞌot ta pasel ta jkuenta te tut tsꞌibabil ta Sjun Diose te ya joyin ta ajtayel te jkꞌaxintayej-mantaletike. Yuꞌun spisil ya xkꞌot ta pasel te tut tsꞌibabil jilel jkꞌoplale —xchi te Jesuse.