San Juan 19:11 - Nuevo Testamento Tzeltal de Amatenango

¹¹ Jich te Jesuse la sjakꞌbe: —Maꞌyuk awaꞌtel kuꞌun te manchuk yakꞌojbeyat awaꞌtel te Diose. Jaꞌ yuꞌun te machꞌa la yakꞌon entregale, jaꞌ mas ay smul stukel ke te jaꞌate —xchi.

Bible in Tzeltal Bachajón

¹¹ Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

Bible in Tzeltal de Oxchuc y Tenejapa

¹¹ Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

San Juan 19:11 Referans Kwoze

Romanos 13:1

Spisil genteetik ya skꞌan ya xchꞌuunbeyik smantal te juꞌeletik te aꞌbilik yaꞌtel ta balmilale. Porke maꞌyuk juꞌeletik te ma ta skuentauk Diose, y te juꞌeletik te aye jaꞌ yakꞌojlan stukel te Diose.

San Juan 3:27

Te Juane la yaltalanbe: —Maꞌyuk tut ya xjuꞌ yuꞌun spasel jtul winik teme ma jaꞌuk ya xꞌaꞌbot spas yuꞌun te Diose.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

San Juan 7:30

Jich yoꞌtanikuk kꞌan stsakik ta ora, pero maꞌyuk machꞌa yal skꞌab, yuꞌun ma to xkꞌot yorail a.

Santiago 1:17

Spisil te tut lek y toje te ya yaꞌbelotike, jaꞌ ya xtal ta ajkꞌol. Jaꞌ ya yaꞌbotik te Diose, te la spas te tutik ya xtil ta chꞌulchane. Stalel ay te Diose y maꞌyuk tut ora ya yakꞌ te tut ma lekuke.

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

Santiago 4:17

Te machꞌa ya snaꞌ spasel te tut leke y makꞌ ya spas, la sleix smul abi.

Romanos 11:36

Porke spisil te tutik aye ya xtal ta stojol Dios, y jaꞌ pastalanbil yuꞌun y stukel yuꞌun. Ben tsaꞌam slekil ta sbajtel kꞌinal te Diose. Jichuk.

Hechos 4:28

Jich a spasik spisil te tut chapal awuꞌun ta primeroe te puersa jich ya xkꞌot ta pasele.

San Mateo 27:2

Xchukojik bael sok kꞌo yakꞌik entregal ta skꞌab te Poncio Pilatoe te ay ta gobiernoil yuꞌun a te Romae.

San Marcos 14:44

Te Judase, te akꞌawanej ta kꞌabale, la yalix tal ta be te tutꞌil seña ya yakꞌbe yilik a te Jesuse: —Jaꞌ te machꞌa ya xkꞌo kujtsꞌiye, jaꞌ me abi. Tsakaik me ta ora, lek me xꞌachukik bael —xchi.

San Juan 18:3

Jich te Judase tal sok jtijk soltaroetik sok euk te polisiaetik yuꞌun te temploe te tikonlanbil tal yuꞌun te stataletik yuꞌun te saserdoteetike sok te fariseoetike. Chapalik tal sok stujkꞌik sok slampara y xtuchojlan tal skꞌajkꞌik.

San Juan 9:41

Te Jesuse la sjakꞌtalanbe: —Te chokukex te jaꞌexe, maꞌyuk amulik te jichuke. Pero ya awalik te ma chokukexe. Jaꞌ ma xchꞌay amulik yuꞌun —xchi te Jesuse.

San Lucas 22:53

Jujun kꞌaal la joyinex ta templo, y maꞌyuk la apikikon teꞌa. Pero la staix yorail te ya xjuꞌ awuꞌunik sok te ijkꞌal kꞌinale —xchi te Jesuse.

San Mateo 26:65

Te statal-saserdotee la xchꞌiꞌ skꞌuꞌ-spakꞌ yuꞌun te tuti yal te Jesuse, y la yal: —Te skꞌop winik to ya stoy sba ta stojol te Diose. ¿Tut xan yes kuꞌuntik yan testigoetik abi? Jaꞌex la awaꞌiyik te skꞌop te ya stoy sbae.

San Juan 18:13

Nail a yikꞌik bael ta sna te jꞌAnas te jaꞌ sniꞌal te jCaifase. Jaꞌ ay ta statal saserdoteil a te jCaifas te jaꞌbil abi.

San Juan 19:10

Te jPilatoe la yalbe: —¿Tut yuꞌun te ma xꞌajakꞌbon te jkꞌope? ¿Me yuꞌun maꞌ anaꞌojuk te kichꞌoj kaꞌtel te ya xjuꞌ ya kakꞌat ta milel ta krus, sok te ya xjuꞌ ya jkolesat bale? —xchi.