San Juan 18:33 - Nuevo Testamento Tzeltal de Amatenango

³³ Te jPilatoe sujt ochel te ba spalasio. La yik te Jesuse y la sjojkꞌobe: —¿Me jaꞌat te Reyat yuꞌun te juriyoetike? —xchi.

Bible in Tzeltal Bachajón

³³ Hich te Pilato suht ochel ta palacio, la yic' tal sjoc'obe te Jesús: ¿Ha'at bal Ajwalilat yu'un te judíohetique? xchi.

Bible in Tzeltal de Oxchuc y Tenejapa

³³ Te Pilato sujt' ochel ta Pretorio. La yic' tel sc'opon te Jesuse. Jich la yalbey: —¿Ja'at bal Muc' Ajwalilat yu'un te judioetique? —xi'.

San Juan 18:33 Referans Kwoze

San Juan 19:12

Mismo tiempo a te jPilatoe lijk snop tut ya yut ya skoles bael te Jesuse. Pero te juriyoetike la yawutayik: —Teme ya akoles bale, yuꞌun nanix maꞌ awamigouk a te César te mukꞌul rey ta Romae. Te machꞌa ya skuy sba ta reye, jaꞌ skontra te César te mukꞌul rey ta Romae —xchiik.

San Juan 19:3

Te nax a la stsob sbaik tal ta stojol, sok lijk yalbeyik: —¡Viva te rey yuꞌun te juriyoetike! —xchiik ta yikꞌtinel. Y la smajbeyik te yelawe.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 12:13

Jich a sbojtalanik tal skꞌab palmera-teꞌ y lokꞌ staik te Jesuse. Xꞌawlajanik ta yalel: —¡Ben tsaꞌam te machꞌa talemix ta stojol te Kajwaltike! ¡Ben tsaꞌam slekil! ¡Ben tsaꞌam slekil te Rey yuꞌun te Israele! —xchiik.

San Marcos 15:2

Te Pilatoe la sjojkꞌobe te Jesuse: —¿Me jaꞌat te Mukꞌul Reyat yuꞌun te Juriyoetike? —xchi. La yal te Jesuse: —Jaꞌat te jich ya awale —xchi.

San Mateo 27:11

Te Jesuse ikꞌot bael ta stojol te gobiernoe. Jich jojkꞌobot: —¿Me jaꞌat te reyat yuꞌun te juriyoetike? —xchi. La yal te Jesuse: —Jaꞌat te jich ya awale —xyut.

1 Timoteo 6:13

Te ora to, ya jpasat ta mantal ta stojol te Diose, te ya yaꞌbe xkuxlejal spisil te tutik aye, y ta stojol te Jesucristoe te jich jamal a yal sba euk ta sit te Poncio Pilatoe.

San Juan 19:9

Chaꞌoch xan bael te ba spalasioe. Jicha kꞌo sjojkꞌobe xan te Jesuse: —¿Ba talemat? —xyut. Pero te Jesuse ni jpꞌaluk a sjakꞌbe.

San Juan 12:15

“Ma me xiꞌan, mukꞌul jtejklum Sion. Ila awil te Rey awuꞌunike, moem tal ta jkojt chꞌin buru”, xchi me.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Mateo 27:27

Jich te soltaroetik yuꞌun te gobiernoe la yikꞌik ochel ta palasio te Jesuse, y la stsob sbaik tal spisil te soltaroetike y la sjoyik.

San Lucas 23:2

Teꞌ kꞌo slebeyik smul a. La yalik: —Te winik to ya slijkes kꞌop yuꞌun te jlumaltike. Ya yal te ma xjuꞌ ya jtojtik jtojemaltik yuꞌun te mukꞌul rey Cesare. Y ya yal te jaꞌ Cristo te rey stukele —xchiik.

San Juan 18:34

Te Jesuse la yalbe: —¿Me jaꞌat la anop te jich ya ajojkꞌoye, o ay yan machꞌa yalojbeyat te jkꞌoplale? —xchi.

San Juan 18:38

Te jPilato la yalbe: —¿Y tut a te batsꞌi jiche? —xchi. Kꞌalal laj yoꞌtan ta sjojkꞌoyel to, te jPilatoe lokꞌ xan bael ba skꞌopon te juriyoetike. Y la yaltalanbe: —Te joꞌone ni maꞌyuk smul a jtabe te winik to.

San Juan 19:4

Chaꞌlokꞌ xan tal te jPilatoe, y la yaltalanbe: —Ila awilik, ya jlokꞌes tal te winike. Ya me anaꞌik a te ni maꞌyuk a jtabe smule —xchi.