San Juan 18:32 - Nuevo Testamento Tzeltal de Amatenango

³² Jich a kꞌot ta pasel te tut yaloj te Jesuse te tut lajelil ya xkꞌot ta skuentae.

Bible in Tzeltal Bachajón

³² Hich la yalic scuenta yu'un ya xc'oht ta pasel te bin yaloj Jesús te la yac' ta na'el te bin lajel ya ya'iy.

Bible in Tzeltal de Oxchuc y Tenejapa

³² Jich c'ot sc'op te Jesús te bit'il la yal te bila lajel ya yaiye.

San Juan 18:32 Referans Kwoze

San Juan 3:14

Jich tutꞌil te jMoises te la sjojkꞌan chan ta teꞌ te ba jojchol tꞌantꞌan luwar, jich mismo puersa me ya yichꞌ jojkꞌanel euk te Nichꞌanile,

San Mateo 26:2

—Anaꞌojbeyik sluwar te cheb xanix kꞌaal skꞌan te skꞌin Pascuae. Te Nichꞌanile ya me xꞌakꞌot ta entregal, yuꞌun ya me xmilot ta krus —xchi.

San Mateo 20:19

Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

San Juan 8:28

Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

San Marcos 10:33

Jich a yal to: —Aꞌiya awaꞌiyik sluwaril, yipalotikix ta moel bael ta Jerusalen. Pero te Nichꞌanile teꞌ me ya xꞌakꞌot ta skꞌab te statal-saserdoteetik sok te maestroetik yuꞌun te mantaliletike. Sok ya me xchapbot skꞌoplal ta milel, sok ya me xꞌakꞌot ta skꞌab te yanlumetike.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

Hechos 7:59

Te kꞌalal yipalik ta yaꞌbeyel ton ae, te jꞌEstebane la skꞌopon Dios. Jich a yal: —Kajwal Jesus, ikꞌbon me te jchꞌulele —xchi.

San Juan 10:33

Te juriyoetike la sjakꞌtalanik: —Makꞌ kaꞌbetikat ton yuꞌun te tut lek apasoje. Jaꞌ ya kaꞌbetikat ton yuꞌun te tut ya awale te ya atoyba-kꞌoptay te Diose. Porke te jaꞌate winikat, y ya akuy aba ta Dios —xchiik.

San Juan 10:31

Te juriyoetike la xchaꞌtamtalanik ton yuꞌun ya swolik ta ton te Jesuse.

San Juan 13:18

Ma apisilikuk te jich ya kalbeyexe, yuꞌun jnaꞌoj te machꞌatik jtsaoje. Pero puersa me ya xkꞌot ta pasel te tut tsꞌibabil ta Sjun te Diose: “Te machꞌa jun nax ya xweꞌon soke, sujtix ta jkontra”, xchi me.

San Juan 18:31

Te jPilatoe la yaltalanbe: —Ikꞌaik bael te jaꞌexe y ban chapaik, chikan te tut ay te mantaliletik awuꞌunike —xyut. La yalik te juriyoetike: —Pero te joꞌotike maꞌyuk orden kuꞌuntik te ay machꞌa ya kakꞌtik ta milele —xchiik.

San Juan 21:19

Te tutꞌil jich a yal te Jesuse, jaꞌ a yaꞌbe snaꞌ te tutꞌ ya xkꞌo chamuk te jPedroe, yuꞌun me jich ya yakꞌ ta ilel slekilal a te Diose. Ta patil la yalbe: —Laꞌ me, tsꞌakliyaon bael —xyut.