San Juan 17:2 - Nuevo Testamento Tzeltal de Amatenango

² Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

Bible in Tzeltal Bachajón

² como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

Bible in Tzeltal de Oxchuc y Tenejapa

² Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 17:2 Referans Kwoze

San Juan 6:39

Jaꞌ te sboluntar te Machꞌa la stikonon tale te spisil te machꞌa ya yaꞌbone ni jtuluk ya xchꞌay kuꞌun, sok ya me jchaꞌkuses tal ta slajibal kꞌaal.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

San Juan 17:9

Ya jkꞌambeyat pawor yuꞌunik. Ma jaꞌuk ya jkꞌambeyat pawor yuꞌun te machꞌa ayik ta skuenta te balmilale. Jaꞌ nax te machꞌatik la awaꞌbon ta jkꞌabe, porke jaꞌat awuꞌun stukelik.

San Juan 17:6

“La kakꞌix snaꞌbeyat aba te jayeb machꞌatik tsabil awuꞌun ta balmilal te la awaꞌbon ta jkꞌabe. Jaꞌat awuꞌun, pero la awaꞌbonix ta jkꞌab, sok ayix ta yoꞌtanik te akꞌope.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 3:35

Te Tatile kꞌux ta yoꞌtan te xNichꞌane; jaꞌ yakꞌojbe ta skꞌab spisil te tutik aye.

1 Juan 2:25

Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

Judas 1:21

Akꞌa abaik ta kanantayel ta skuenta xkꞌuxul yoꞌtan te Diose. Y maliyaik te tut kꞌaalil te ya yaꞌbotik te kuxlejal sbajtel kꞌinale te Kajwaltik Jesucristo, ta skuenta slekil yoꞌtan.

1 Juan 1:2

Kꞌo chiknajuk te Jꞌakꞌkuxlejale, y joꞌotik a kiltik, y joꞌotik a kalbetik skꞌoplal. Jaꞌ ya kalbetikex skꞌoplal te Machꞌa ya yakꞌ te kuxlejal sbajtel kꞌinale, jaꞌ te jun nax ay sok te Tatile, sok te la yakꞌ sba ta ilel ta jtojoltike.

1 Timoteo 1:16

Jaꞌ yuꞌun Dios la yaꞌbon bayal slekil yoꞌtan, skuenta yuꞌun jich me ya xchiknaj ta jtojol te ay bayal perdon ta yoꞌtan te Jesucristoe. Yuꞌun joꞌon seña ya yilik a te machꞌatik patil ya xchꞌuunik te Kajwaltike yuꞌun ya staik a te kuxlejal sbajtel kꞌinale.

Filipenses 2:10

Yuꞌun ta skuenta te Jesuse ya skejan sbaik ta spisil te machꞌatik aylan ta chꞌulchane sok te ay ta balmilale y sok te ay ta yeꞌtal balmilale.

Efesios 1:20

te kꞌalal la xchaꞌkuses tal te Cristo te ba ay te animaetike, y la yakꞌ nakluk ta sbatsꞌil skꞌab ta chꞌulchan.

1 Corintios 15:25

Porke te Cristoe puersa ya yichꞌ yaꞌtel ta ajwalil jaꞌto teme la xpuchꞌ ta tekꞌel spisil te skontratake.

Romanos 6:23

Te stojol te ya yakꞌ te mulile, jaꞌ te lajele. Pero te majtanil ya yakꞌ te Diose jaꞌ te kuxlejal sbajtel kꞌinal, te jun nax ya xkꞌootik sok te Cristo Jesus te Kajwaltik stukele.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.