San Juan 17:18 - Nuevo Testamento Tzeltal de Amatenango

¹⁸ Jich te tutꞌil la atikonon tal ta stojol te machꞌatik ayik ta skuenta te balmilale, jich euk te joꞌone ya jtikonlan bael ta stojol te machꞌatik ayik ta skuenta te balmilale.

Bible in Tzeltal Bachajón

¹⁸ Hich te bin ut'il la aticonon tal ta bahlumilal, ha nix hich la jticonlan bahel ta bahlumilal.

Bible in Tzeltal de Oxchuc y Tenejapa

¹⁸ Jich te bit'il la aticunon tel ta balumilale, ja' nanix jich te mach'atic cu'une ya jticun bael uuc.

San Juan 17:18 Referans Kwoze

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

2 Corintios 5:20

Jich yuꞌun joꞌotik ya xkꞌopojotik yuꞌun te Cristo ta atojolik. Jich kꞌoem te tutꞌil jaꞌ ya xwokolet ta akuentaik te Diose, te tutꞌil yipalotik ta kꞌop te joꞌotike. Jich yuꞌun, ta skuenta te Cristoe, awokolikuk te junuk awoꞌtan abaik sok te Diose.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 4:38

Joꞌon ya jtikonex bael ta skꞌajel te ma jaꞌukex a aꞌtejex ta stsꞌunele. Yan machꞌa aꞌtejik teꞌae, y jaꞌex a ochex te ba aꞌtejemike —xchi te Jesuse.

San Mateo 10:5

Te Jesuse la stikon bael te lajchaytulike sok la spas bael ta mantal: —Ma me baanik te ba ay te ma israeluke, sok ma me ochanik te ba jtejklumetik yuꞌun te samariaetike.

Efesios 3:7

Jaꞌ jmajtan yuꞌun Dios te jich ayon te aꞌtel ta yalel skꞌoplal te kꞌop to ta skuenta spoder te Diose.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

San Juan 17:21

JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Mateo 23:34

Ja sluwaril te ya jtikonbeyex tal te jꞌalwanejetik sok te machꞌatik ay spꞌijil yoꞌtanike sok te jpꞌijuteswanejetike. Ay ya amilik sok ay ya ajipanik ta krus. Sok ay ya amajik ta sinagogaetik sok ay tojtoj tenel lokꞌel awuꞌunik ta jujun jtejklume.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.