San Juan 17:17 - Nuevo Testamento Tzeltal de Amatenango

¹⁷ Lekutesbeya yoꞌtanik yuꞌun te tut batsꞌi jiche; te tut a te batsꞌi jiche jaꞌ te akꞌope.

Bible in Tzeltal Bachajón

¹⁷ Ch'ulteslana ta scuenta te smelelil c'op; ha smelelil c'op te ac'ope.

Bible in Tzeltal de Oxchuc y Tenejapa

¹⁷ Ac'a u'uninbotuc yo'tanic yu'un te bila melele. Te bila melele ja' te ac'ope.

San Juan 17:17 Referans Kwoze

San Juan 15:3

Te jꞌaexe pokbilexix yuꞌun te jkꞌop te la kalbeyexe.

Efesios 5:26

Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

San Juan 17:19

Y ta skajik jmel nax ya kakꞌ jba ta lajel yuꞌun jich me ya xꞌuꞌunimbot yoꞌtanik yuꞌun te tut batsꞌi jiche.

San Juan 8:32

Jich me ya anaꞌik te tut batsꞌi jiche, y te tut batsꞌi jiche ya me yakꞌex ta libre —xchi.

Santiago 1:21

Jich yuꞌun jilesaik me te jaꞌexe spisil te tut skuenta balmilale sok te ben bayal te tut ma lekuke. Junuk me awoꞌtan chꞌuunaik te skꞌop Dios te tsꞌunbilix ta awoꞌtanike, te jaꞌ ya xjuꞌ yuꞌun te ya skoltayexe.

2 Tesalonicenses 2:13

Pero te joꞌotike sil tiempo ya skꞌan kalbetik kola yal Dios ta akuentaik, kermanotak te ben kꞌuxex ta koꞌtan ta skuenta te Kajwaltike. Porke Dios a stsaex yuꞌun jich me nail ya kꞌo ataik te kolel ta skuenta te Espíritu ya slekutesexe, sok ta skuenta te tut batsꞌi jich te la achꞌuunikixe.

Efesios 4:21

teme batsꞌi jich te la awaꞌiyikix te tutꞌ ay skꞌoplal stukele y la awichꞌik pꞌijutesel ta skuenta te tut batsꞌi jich yuꞌun te Jesuse.

San Lucas 8:15

Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

2 Corintios 3:18

Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

Hechos 15:9

Te Diose ma yanuk a yilotik sok te machꞌatik ma juriyouke, yuꞌun jich ya spasbe perdon yuꞌun smulik euk ta skuenta nax te la xchꞌuun ta yoꞌtanike.

San Lucas 8:11

Jich ay sluwaril te seña-kꞌop te la kalbeyexe: Te tsꞌunubile jaꞌ te skꞌop Diose.

San Juan 8:40

Pero ya akꞌan ya amilikon, manchuk teme ya kalbeyex te tut batsꞌi jich snojpesejon te Diose. Te jꞌAbraham maꞌyuk a spas jich stukel.