San Juan 16:3 - Nuevo Testamento Tzeltal de Amatenango

³ Jich ya spasik yuꞌun ni ma snaꞌbeyik sba te jTate sok ma snaꞌbikon jba euk.

Bible in Tzeltal Bachajón

³ Hich ya spasic ta scaj te ma sna'beyic sba te Tatil soc ma sna'bonic jba.

Bible in Tzeltal de Oxchuc y Tenejapa

³ Jich ya spasic yu'un xujt' ma sna'beyic sba te Jtate, soc ma sna'bonic jba uuc.

San Juan 16:3 Referans Kwoze

San Juan 15:21

Spisil to ya me spasbeyex ta joꞌon ta jkaj, porke ma snaꞌbeyik sba te machꞌa la stikonon tale.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

San Juan 8:55

Pero te jaꞌexe ma xꞌanaꞌbeyik sba; yan te joꞌone ya jnaꞌbe sba. Teme ya kal te ma jnaꞌbe sba, jich jle-loton euk ya xkꞌoon, jich tutꞌil te jaꞌexe. Pero batsꞌi jich te ya jnaꞌbe sbae, sok jaꞌ ya kaꞌbe ta jkuenta te skꞌope.

San Juan 8:19

La sjojkꞌobeyik: —¿Ba ay te atate? —xchiik. Te Jesuse la sjakꞌtalanbe: —Te jaꞌexe ma xꞌanaꞌbikon jba sok ma xꞌanaꞌbeyik sba te jTate. Teme ya anaꞌbikon jba te joꞌone, jich euk te jTate ya anaꞌbeyik sba —xchi.

1 Juan 4:8

Te machꞌa ma xkꞌuxutaywane, ma snaꞌojbeyuk sba te Diose, porke te Diose ay xkꞌuxul yoꞌtan.

1 Juan 3:1

Ila awilik te lom bayal a kꞌuxutayotik te Jtatik Diose te ya yalbotik te xnichꞌanotik te Diose, y yuꞌun nanix jich ayotik a. Jaꞌ yuꞌun te machꞌatik ayik ta skuenta balmilale ma snaꞌbotik jbajtik, yuꞌun ma snaꞌbeyik sba te Diose.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

1 Corintios 2:8

Jaꞌ to jaꞌ te ma snaꞌbeyik sluwar te machꞌatik sjapuyejik te balmilal to. Yuꞌun te kꞌoemuk ta yoꞌtanike maꞌ smilik ta krus te ajwalil yuꞌun te lekilale te jichuke.

San Juan 15:23

Te machꞌa ya spꞌajone, jaꞌ a spꞌajix euk te jTate.

San Lucas 10:22

Y la yal xan: —Te Jtate la yaꞌbonix entregal ta jkꞌab spisil te tutik aye. Maꞌyuk machꞌa ya snaꞌbe sluwar te machꞌa a te Nichꞌanile; jaꞌ nax ya snaꞌbe sluwar te Jtate, Sok maꞌyuk machꞌa ya snaꞌbe sluwar te machꞌa ekꞌa te Jtate; jaꞌ nax stukel te Nichꞌanil te ya snaꞌbe sluware. Sok euk te jayeb machꞌa ya yaꞌbe snaꞌbe sbae —xchi te Jesuse.

1 Timoteo 1:13

manchuk me snaꞌoj te la jtoyba-kꞌoptay ta nail toe, sok la jtentalan y la kikꞌtinlan. Pero te Diose la yaꞌbon slekil yoꞌtan ta jtojol, yuꞌun te joꞌon ma to jchꞌuunejuk aye, sok maꞌ jnaꞌ te tutꞌ ayon ta pasele.

Hechos 3:17

La jnaꞌix kermanotak te jaꞌex sok te statal awuꞌunik la amilik te Jesuse yuꞌun ma la anaꞌbeyik sluwar te tut la apasike.

1 Juan 2:23

Machꞌauk a te ma xyakꞌ ta jkuenta te Nichꞌanile jich ma xyakꞌ ta jkuenta ekꞌa te Tatile. Pero te machꞌa ya yal ta jamal te Nichꞌanile, jich ya yal ta jamal euk te Tatile.