San Juan 16:27 - Nuevo Testamento Tzeltal de Amatenango

²⁷ porke te Tatile kꞌux ya yaꞌiyex ta yoꞌtan. Jaꞌ kꞌuxex ta yoꞌtan porke kꞌuxon ta awoꞌtanik, sok xchꞌuunej awoꞌtanik te talemon ta stojol te Diose.

Bible in Tzeltal Bachajón

²⁷ como ha nix te Tatil c'ux ya ya'iyex ta yo'tan, como c'uxon ta awo'tanic soc ach'uhunejic te talemon ta stojol te Diose.

Bible in Tzeltal de Oxchuc y Tenejapa

²⁷ melel te Jtate c'ux ya yaiyex ta yo'tan. Ja' c'ux ya yaiyex ta yo'tan yu'un te bit'il c'uxon ta awo'tanique soc te bit'il xch'uunej awo'tanic te talemon ta stojol te Diose.

San Juan 16:27 Referans Kwoze

San Juan 14:21

Te machꞌa yichꞌojbon spisil te jmantale y teme ya xchꞌuune, te me ya xchiknaj a te batsꞌi jich te kꞌuxon ta yoꞌtane. Y te jTate ya xkꞌuxutay te machꞌa kꞌuxon ta yoꞌtane. Y te joꞌone ya me jkꞌuxutay euk, y ya me kakꞌ snaꞌbon jba —xchi te Jesuse.

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,

1 Corintios 16:22

Teme ay machꞌa ma kꞌuxuk ta yoꞌtan te Kajwaltik Jesucristoe, ay me ta skuenta chꞌayel abi. ¡Te Kajwaltike, ya me xtal!

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

1 Juan 4:19

Te joꞌotike kꞌux ya kaꞌiy jbajtik, porke nail a xkꞌuxutayotik te Diose.

2 Corintios 5:14

Jaꞌ ya spasotik ta mantal te xkꞌuxul yoꞌtan kuꞌuntik te Cristoe. Te tutꞌil jnaꞌojtik te jtul a cham yuꞌun ta spisilike, jicha a chamik ta spisilik kꞌoem euk.

San Juan 16:30

Te ora to la jnaꞌtikix te spisil ay ta awoꞌtane, jich ma puersaukix te ay machꞌa ya sjojkꞌobeyat xane. Jaꞌ yuꞌun ya jchꞌuuntik te talemat ta stojol te Diose —xchiik.

San Mateo 10:37

“Te machꞌa ben kꞌux ta yoꞌtan te smeꞌ-state teme ma jichuk kꞌuxon ta yoꞌtane ma snujpꞌuk te kuꞌun ya xkꞌote. Sok te machꞌa ben kꞌux ta yoꞌtan te yuntikile teme ma jichuk kꞌuxukon ta yoꞌtane, ma snujpꞌuk te kuꞌun ya xkꞌote.

Apocalipsis 3:19

“Joꞌon ya jkom y ya jtsits ta spisil te machꞌatik kꞌux ta koꞌtane. Jaꞌ yuꞌun akꞌaik me puersa y sujtesa awoꞌtan ta stojol Dios.

Apocalipsis 3:9

Joꞌon me ya kakꞌ te ya xtal skejan sbaik ta atojol te machꞌatik jtsobaw yuꞌun te pukuje, jaꞌik te jloꞌlawanejetike te ya yalik te juriyoetiklane y ma jaꞌikuk. Yuꞌun jich me ya snaꞌik a te kꞌuxat ta koꞌtane.

Efesios 6:24

Dios a me yaꞌbey te slekil yoꞌtan ta stojol spisil te machꞌatik sil tiempo kꞌux ta yoꞌtanik te Kajwaltik Jesucristoe. Jichuk.

Hebreos 12:6

Porke te Kajwaltike ya stojutes te machꞌa kꞌux ta yoꞌtane, y ya yaꞌbe kastigo te machꞌa jich ya yikꞌ tutꞌil xnichꞌane”, te xchie.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.

Gálatas 4:4

Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

1 Corintios 15:47

Te primero winike pasot ta tsꞌubilum y tsꞌubilum nax. Y te xchebal winike jaꞌ ta skuenta chꞌulchan stukel.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

San Juan 7:29

Te joꞌone ya jnaꞌbe sba porke teꞌ talemon a y stukel stikonejon tal —xchi te Jesuse.

San Juan 3:13

“Maꞌyuk machꞌa sujtem tal ta chꞌulchan, jaꞌ nax te machꞌa koem tal ta chꞌulchane. Jaꞌ bi, jaꞌ te Nichꞌanile.

San Juan 2:11

Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.