San Juan 15:25 - Nuevo Testamento Tzeltal de Amatenango

²⁵ Pero puersa jich ya xkꞌot ta pasel to te tut tsꞌibabil jilel te mantaliletik te yichꞌojike: “Maꞌyuk sluwaril te ya spꞌajikone”, xchi me.

Bible in Tzeltal Bachajón

²⁵ Te bin ut'il hich la spasic, yu'un hich ya xc'oht ta pasel a te bin ts'ihbabil hilel ta Ley yu'unic: Mayuc scuentahil te la sp'ajonic, te xchihe.

Bible in Tzeltal de Oxchuc y Tenejapa

²⁵ Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

San Juan 15:25 Referans Kwoze

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

2 Corintios 11:7

¿Me ay wan tut ma lek a jpas te la kalbeyex skꞌoplal kolel te maꞌyuk a jkꞌan jtojol ae? ¿Me jaꞌ jmul a jta a te joꞌon chꞌin a kakꞌ jba, yuꞌun jich mukꞌ ya xlokꞌex te jaꞌexe?

Apocalipsis 21:6

Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

2 Tesalonicenses 3:8

Ni maꞌyuk a weꞌotik ta majtanil nax. Aꞌtejotik y la jpastik puersa ta kꞌaal y ajkꞌubal yuꞌun jich maꞌyuk a kakꞌtik awokolik a te jaꞌexe.

Gálatas 2:21

Ma jkꞌan ya jpꞌaj te slekil yoꞌtan te Diose. Yuꞌun yauk xjuꞌ te ya yakꞌotik ta libre yuꞌun jmultik te xchꞌuunel te mantaliletike, jich lom nax a cham te Cristo te jichuke.

Romanos 3:24

Pero te Diose, ta slekil yoꞌtan y majtanil nax te la yakꞌotik ta libre yuꞌun te jmultike, ta skuenta te tojbilix jmultik yuꞌun te Cristo Jesuse.

Romanos 3:19

Jnaꞌojtik spisil te tut ya yal te sjunal mandaliletike jaꞌ ya yalbe te machꞌatik ayix ta skuentae, yuꞌun ma xjuꞌ ya smak sbaik ta kꞌop a spisil te genteetik te ayik ta balmilal te ya yichꞌ kastigo yuꞌun te Diose.

San Juan 10:34

Te Jesuse la yaltalanbe: —Te ba mantaliletik awuꞌunike, teꞌ tsꞌibabil a te tut ya yal te Diose: “te jaꞌex diosex”, xchi me.

San Juan 19:36

Porke spisil te tuti kꞌot ta pasele, yuꞌun me jich tsꞌakal a spas kumplir a te tut tsꞌibabil jilel ta Sjun te Diose te jich ya yale: “Ni jchꞌixuk sbakel ya yichꞌ kꞌajel stukel”, xchi me.

San Mateo 10:8

Sok ya me alekutesik te machꞌatik ayik ta chamele, sok ya me akusesik te machꞌa chamene. Sok ya me achꞌaybe xchamel te jkꞌaꞌel-chameletike, sok ya me alokꞌesik te pukujetike. Te jaꞌexe majtan me la ataik te apoderike. Ma me xꞌakꞌan atojolik a, majtan me xꞌawakꞌik jil euk.

San Juan 13:18

Ma apisilikuk te jich ya kalbeyexe, yuꞌun jnaꞌoj te machꞌatik jtsaoje. Pero puersa me ya xkꞌot ta pasel te tut tsꞌibabil ta Sjun te Diose: “Te machꞌa jun nax ya xweꞌon soke, sujtix ta jkontra”, xchi me.