San Juan 14:28 - Nuevo Testamento Tzeltal de Amatenango

²⁸ La me awaꞌiyikix te ya xboone y te ya xchaꞌtal joyinex xane. Teme batsꞌi jich te kꞌuxon ta awoꞌtanike, butsꞌanix kꞌinal ya awaꞌiyik te jichuke, porke la kalix te ya xboon te ba ay te jTate yuꞌun jaꞌ mas mukꞌ stukel ke te joꞌone.

Bible in Tzeltal Bachajón

²⁸ La awa'iyiquix te la jcalbeyex: Ya xbohon, pero ya xcha'talon ta atojolic, te xchihone. Te ha'uc c'uxon ta awo'tanic, tse'el awo'tanic yu'un te ya xbohon ta banti ay te Jtate, como ha toyol cu'un te Jtate.

Bible in Tzeltal de Oxchuc y Tenejapa

²⁸ Awaiyojiquix stojol cu'un te ya xboone soc te ya xtal joinex xane. Teme c'uxon ta awo'tanic ta melele, bujts'najemix awo'tanic te jichuque, melel la calix te ya xboon ta bay te Jtate, yu'un ja' cajal cu'un stuquel.

San Juan 14:28 Referans Kwoze

San Juan 14:18

Makꞌ me jilesex atukelik. Ya xtal joyinex.

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

San Juan 20:17

Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

San Juan 13:16

Jamal ya kalbeyex: Ni jtuluk aj-aꞌtelil te mas kꞌaxem yuꞌun te yajwale. Sok ni jtuluk te machꞌa tikonbil te jaꞌ mas kꞌaxem ta stojol te machꞌa tikonbil tal yuꞌune.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,

1 Corintios 11:3

Pero ya jkꞌan ya anaꞌik te Cristo jaꞌ jolol yuꞌun spisil te winketike. Y te winike jaꞌ jolol yuꞌun te yiname, jich tutꞌil te jaꞌ sjol Cristo te Diose.

San Juan 16:7

Pero ya me kalbeyex ta jamal te jaꞌ lek ta atojolik te ya xboone, porke teme makꞌ xboone, makꞌ xtal ta atojolik te Joyinwanej awuꞌunike. Pero teme boone, ya me jtikonbeyex tal.

San Juan 14:12

Jamal ya kalbeyex: Te machꞌa ya xchꞌuunone jich me ya spas euk te tut yipalon ta spasele. Y mas mukꞌ xan tut ya spas stukel, porke ya xboon te ba ay te jTate.

San Juan 10:38

Pero teme jaꞌ yipalon ta spasele, aunke ma xꞌachꞌuunbikon te tut ya kale, jaꞌ ya xjuꞌ ya achꞌuunik a te tut aꞌtelil ya jpase. Yuꞌun te me ya anaꞌik a te jun nax ayon sok te Tatile, y te Tatile sjoyinejon —xchi te Jesuse.

San Juan 5:18

Jaꞌ yuꞌun te juriyoetike mas a lijk snopik tut ya yut ya smilik te Jesuse porke ma jaꞌuk nax ya xkꞌaxintay ta skꞌopik te skꞌaalel kuxo-oꞌtane, jaꞌ smul ta skꞌopik ekꞌa te ya yal sba te pajal sok Diose, kꞌalal ya yal te jaꞌ sTat te Diose.

San Mateo 12:18

“Teꞌ ay te kabat te tꞌujbil kuꞌune. Jaꞌ te kꞌux ya kaꞌi ta koꞌtan sok ben jun koꞌtan yuꞌun. Ya me kaꞌbe ta yoꞌtan te Espíritu kuꞌune. Jich me ya spuk ta alel ta stojol spisil nasionetik te tutꞌil toj ta pasele.

Apocalipsis 1:11

te la yalbone: —Tsꞌibaya ta jun libro te tut ya awile, y tikonbeya bael te juktijkꞌ hermanoetik te aylan ta estado Asiae: Ta Efeso, ta Esmirna, ta Pergamo, ta Tiatira, ta Sardis, ta Filadelfia, y ta Laodicea —xchi.

San Juan 7:33

Jich a yal te Jesuse: —Ma jalukix kꞌaal te ya joyinexe, y patil ya me sujton bael ta stojol te Machꞌa la stikonon tale.