San Juan 13:31 - Nuevo Testamento Tzeltal de Amatenango

³¹ Lokꞌemix bael a te Judase, te Jesuse la yal: —Te ora to ya xꞌakꞌot ta ilel te slekilal te Nichꞌanile, y te slekil te Diose ya xchiknaj ta stojol.

Bible in Tzeltal Bachajón

³¹ C'alal loq'uix bahel a te Judas, la yal te Jesús: Yo'tic ya x'ac'otix ta ich'el ta muc' te Nich'anil ay ta scuenta winic, soc ya x'ich'otix ta muc' te Dios ta scuenta.

Bible in Tzeltal de Oxchuc y Tenejapa

³¹ Te c'alal loq'uix bael a te Judase, jich la yal te Jesuse: —Ta ora to ya x'ac'ot ta ilel yutsilal te Nich'anile soc ja' nix ta swenta te ya x'ac'ot ta ilel yutsilal te Diose.

San Juan 13:31 Referans Kwoze

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.

San Juan 14:13

Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

Efesios 3:10

Jich kꞌot ta pasel yuꞌun te ora to ta skuenta te juju-tijkꞌ hermanoetike, ta spisil te machꞌatik ay spoderik y ay yaꞌtelik ta chꞌulchan ya xkꞌo snaꞌik te tutꞌil ay bayal ta jkaj spꞌijil te Diose.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

San Juan 16:14

Jaꞌ me ya yaꞌbon ta ilel te jlekilale, yuꞌun jaꞌ me ya xkꞌot ta skuenta yalel te tut ya jkꞌan ya kale.

San Juan 12:23

Te Jesuse jich a yaltalanbe: —Kꞌotix yorail te ya xꞌakꞌot ta ilel slekilal te Nichꞌanile.

San Juan 11:4

Kꞌalal la yaꞌi te Jesuse la yal: —Te chamel te tabil ae makꞌ xcham yuꞌun. Yuꞌun nax ya xꞌakꞌot ta ilel slekil a te Diose, sok ya me xꞌakꞌot ta ilel slekil euk te xNichꞌan Diose —xchi te Jesuse.

Filipenses 2:11

Y ta spisil ya me yalik te jaꞌ ajwalil stukel ta Jesucristo. Yuꞌun jich me ay slekilal ya xkꞌot a te Dios Tatile.

Efesios 2:7

Jich me ya xchiknaj ta ilel ta patil bael te lom bayal skꞌuxul yoꞌtan yakꞌojbotike, sok ay slekil yoꞌtan ta jtojoltik ta skuenta te Cristo Jesuse.

Efesios 1:12

Jich a spas, yuꞌun te joꞌotik te nail la jchꞌuuntik te Cristoe, jujun kꞌaal te kuxulotike ya me kalbetik te slekilal te Diose.

2 Corintios 3:18

Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

San Juan 12:28

JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.

San Lucas 12:50

Pero puersa me ya xkꞌax bayal jwokol nailuk. Beno yajtal koꞌtan yuꞌun. Koꞌtanuk te kꞌaxemukixe.

San Mateo 8:20

La sjakꞌ te Jesuse: —Te soroetike ay snaik ta chꞌen, sok te teꞌtikil mutetike aylan xpechechik stukelik. Yan te Nichꞌanile ma sta ba ya xway kꞌael —xchi te Jesuse.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.