San Juan 13:1 - Nuevo Testamento Tzeltal de Amatenango

¹ Pajel xanix ya xlijk a te kꞌin Pascuae. Te Jesuse snaꞌoj te kꞌotix yorail te ya sjiles te balmilal to, yuꞌun ya sujt bael te ba sTate. Te Jesuse sil tiempo kꞌux a yaꞌiy ta yoꞌtan te machꞌatik ay yuꞌun ta balmilale, y jich lom kꞌux ta yoꞌtan jaꞌto te kꞌalal bajte.

Bible in Tzeltal Bachajón

¹ Ma to sta yorahil Q'uin Pascua a, te Jesús sna'oj te c'ohtix yorahil te ya yihquitayix hilel te bahlumilal soc te ya xbahtix ta stojol te Tatile. C'ux la ya'iy ta yo'tan te mach'atic ay yu'un ta bahlumilal, c'ux la ya'iy ta yo'tan ha to c'alal ta slajibal.

Bible in Tzeltal de Oxchuc y Tenejapa

¹ Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 13:1 Referans Kwoze

San Juan 12:23

Te Jesuse jich a yaltalanbe: —Kꞌotix yorail te ya xꞌakꞌot ta ilel slekilal te Nichꞌanile.

1 Juan 4:19

Te joꞌotike kꞌux ya kaꞌiy jbajtik, porke nail a xkꞌuxutayotik te Diose.

San Juan 13:34

Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe.

San Juan 16:28

Lokꞌemon tal ta sit te Tatile yuꞌun te talon ta balmilale, y te ora to ya jilesix te balmilale. Ya sujtonix bael ta stojol te Tatile —xchi te Jesuse.

San Juan 18:4

Pero te Jesuse snaꞌoj te spisil ya xkꞌot ta pasel ta stojole. Jich lokꞌ bael y ba sjojkꞌolanbe: —¿Machꞌa a te ya aleike? —xyut.

1 Corintios 1:8

Dios me ya yaꞌbeyex spuersa awoꞌtanik jaꞌ to kꞌalal ta slajibal kꞌaal. Jich ma me ayuk amulik te kꞌalal ya sujt tal te Kajwaltik Jesucristoe.

San Juan 17:16

Jich tutꞌil joꞌon te ma skuentaukon te balmilale, jich euk ta stukelike ma skuentaikuk te balmilale.

San Juan 17:1

Patil laj yoꞌtan ta yalel to, te Jesuse la skꞌelu moel ta chꞌulchan y la yal: —Tat, kꞌotix yorail te ya awakꞌ ta ilel slekilal aNichꞌane, yuꞌun jich me ya yakꞌ ta ilel euk te alekilale.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

San Juan 17:5

Te ora to, jTat, aꞌbon xan kichꞌ jlekilal ta atojol jich tutꞌil te pajal ay jlekilaltik te kꞌalal ma to xchiknaj a te balmilale.

San Mateo 26:45

Sujt xan tal te ba ay te jnopojeletik yuꞌune. Jich a yaltalanbe: —¿Meꞌn ya to xwayex, sok ya to kux awoꞌtanik? Kꞌotix yorail te ya xꞌakꞌot entregal ta skꞌab te jmulawiletike te Nichꞌanile.

1 Pedro 1:13

Jaꞌ yuꞌun chapalukex me sok kuxuluk me awoꞌtanik. Spꞌejeluk me awoꞌtanik ya amaliyik te tut ya xba yaꞌbeyex Dios ta slekil yoꞌtan te kꞌalal ya xchiknaj tal te Jesucristoe.

Hebreos 6:11

Pero jaꞌ ya jkꞌantik te ta juju-tulex te sigue ya awakꞌik ta ilel te jun awoꞌtanike jaꞌ to ta slajibal kꞌaal, yuꞌun tsꞌakal me ya ataik te tut yipalex ta smaliyele.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Romanos 8:37

Pero ta spisil to ya me jtsaltik jilel ta skuenta te machꞌa kꞌuxotik ta yoꞌtane.

San Juan 17:26

La kakꞌix snaꞌbeyat aba y ya to me kakꞌ xan snaꞌbeyat aba. Jich tutꞌil te kꞌuxon ta awoꞌtane, jichuk me kꞌux ta awoꞌtan euk. Sok ya me xꞌanon ta yoꞌtanik —xchi ta skꞌoponel Dios te Jesuse.

San Juan 14:28

La me awaꞌiyikix te ya xboone y te ya xchaꞌtal joyinex xane. Teme batsꞌi jich te kꞌuxon ta awoꞌtanike, butsꞌanix kꞌinal ya awaꞌiyik te jichuke, porke la kalix te ya xboon te ba ay te jTate yuꞌun jaꞌ mas mukꞌ stukel ke te joꞌone.

San Juan 11:55

Xnopetix a te kꞌin Pascua yuꞌun te juriyoetike, y bayal genteetik yuꞌun te jtejlumetik yipalik ta bael ta Jerusalene yuꞌun ya xba yakꞌ sbaik ta lekutesel ta stojol Dios antes ke ya xkꞌot te kꞌin Pascuae.

San Juan 7:30

Jich yoꞌtanikuk kꞌan stsakik ta ora, pero maꞌyuk machꞌa yal skꞌab, yuꞌun ma to xkꞌot yorail a.

San Juan 7:6

Te Jesuse la yaltalanbe: —Ma to sta te koraile. Yan te jaꞌexe tutikuk nax orail lek ya awaꞌiyik.

San Juan 6:4

Nopolix a te kꞌin Pascuae yuꞌun te juriyoetike.

San Lucas 22:53

Jujun kꞌaal la joyinex ta templo, y maꞌyuk la apikikon teꞌa. Pero la staix yorail te ya xjuꞌ awuꞌunik sok te ijkꞌal kꞌinale —xchi te Jesuse.

San Lucas 9:51

Te kꞌalal xnopet ya sta yorail te ya xꞌikꞌot moel ta chꞌulchan te Jesuse, la xtuchꞌ yoꞌtan te ya xbajt ta Jerusalene.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Juan 8:20

Te Jesuse jich a yal te kꞌalal yipal ta pꞌijuteswane ta templo te ba luwar ba yawil smajtan Diose. Pero ni jtul maꞌyuk machꞌa yal skꞌab ta stsakel, yuꞌun ma to xkꞌot yorail a.

San Juan 2:13

Nopolix yorail a te skꞌin Pascua yuꞌun te juriyoetike, te Jesuse bajt ta Jerusalen.

San Juan 13:29

Yuꞌun te Judas jaꞌ skanantayej te yawil stakꞌinike, jaꞌ yuꞌun la skuyik te ay tut ya yakꞌ xan tal ta manel te Jesuse yuꞌun te kꞌine, o yuꞌun ay tut ya yaꞌbeyik xan chꞌinuk te meꞌbaꞌetike.

San Juan 14:31

Pero puersa me jich ya xkꞌot ta pasel, yuꞌun jich me ya snaꞌbe luwar a te genteetik te kꞌux ta koꞌtan te jTate y ya jpas te tut yalojbon tal ta mantale. Jajchanik, konikik liye —xchi te Jesuse.

San Juan 19:28

Te Jesuse snaꞌoj te spisil a juꞌix yuꞌun ta pasele. Yuꞌun jich ya xkꞌot ta pasel a te tut tsꞌibabil jile, la yal: —Takin koꞌtan —xchi.