San Juan 12:35 - Nuevo Testamento Tzeltal de Amatenango

³⁵ Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

Bible in Tzeltal Bachajón

³⁵ Halbotic yu'un te Jesús: Ma haluquix c'ahc'al te ay sacal q'uinal ta atojolic, ha yu'un behenanic te jayeb xan ora ay sacal q'uinal scuenta yu'un ma ch'ayaluc awo'tanic a ya stahex te yihc'al q'uinale, como te mach'a ya xbehen ta yihc'al q'uinal, ma sna' banti ya xbaht.

Bible in Tzeltal de Oxchuc y Tenejapa

³⁵ Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

San Juan 12:35 Referans Kwoze

San Juan 12:46

Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

San Juan 16:16

Liꞌ xanix ta jtsꞌine makꞌ ya awilbikonix jsit. Pero ta patil ya awilikon xan, porke ya xboon te ba ay te Tatile —xchi te Jesuse.

Efesios 5:8

Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

San Juan 11:10

Pero te machꞌa ya xbeen ta ajkꞌubale ya xkꞌochin yok stukel, porke ma sakubenuk kꞌinal ta stojol —xchi.

San Juan 12:36

Chꞌuunaik me te sakil kꞌinale yuꞌun liꞌ to xan me ay awuꞌunik to, yuꞌun jich me yuꞌun ya xkꞌoex te sakil kꞌinale —xchi te Jesuse. Ta patil kꞌalal laj yoꞌtan te yalel to, bajt te Jesuse. Ma yilik ba bajt.

San Juan 7:33

Jich a yal te Jesuse: —Ma jalukix kꞌaal te ya joyinexe, y patil ya me sujton bael ta stojol te Machꞌa la stikonon tale.

2 Corintios 3:14

Pero te stukelike ni maꞌ kꞌot ta yoꞌtanik te jich aye. Y jich to ta ora to kꞌalal ya yilik te antibo tratee, ma xkꞌot ta yoꞌtanik a, jich tutꞌil makal to sitik yuꞌun te pakꞌe. Yuꞌun mato lokꞌemuk, porke jaꞌ nax ya xlokꞌ ta skuenta te Cristoe.

San Juan 11:9

Te Jesuse la yaltalanbe: —¿Me ma wan lajchayebuk ora yichꞌoj te jun kꞌaale? Jaꞌ yuꞌun te machꞌa ya xbeen ta kꞌajkꞌaltike makꞌ xkꞌochin yok, yuꞌun ya yil te sakil kꞌinal te ay ta balmilale.

Gálatas 6:10

Jaꞌ yuꞌun, siluk me tiempo te ya xjuꞌ kuꞌuntike, aꞌ jpastik te tut lek ta spisile. Y mas jaꞌ ta stojol te kermanotaktik te jun nax jchꞌuunejtik sok Diose.

San Lucas 18:37

La yalbeyik te jaꞌ te Jesus Nazaret te yipal ta kꞌaxel teꞌ ae.