San Juan 11:42 - Nuevo Testamento Tzeltal de Amatenango

⁴² Ya jnaꞌ te sil tiempo ya awaꞌibon te jkꞌope, pero la kal yuꞌun slekilik a te genteetik te liꞌ aylane, yuꞌun jich me ya xchꞌuunik a te jaꞌat la atikonon tale —xchi.

Bible in Tzeltal Bachajón

⁴² Jna'oj te spisil ora yac awa'iybon jc'op, pero hich la jcal yu'un te tsobol ants-winiquetic li' sjoytayejonic, scuenta yu'un hich ya sch'uhunic a te ha'at aticonejon tal, xchi ta sc'oponel Dios.

Bible in Tzeltal de Oxchuc y Tenejapa

⁴² Jna'oj stojol te spisil ora ya awaiybon stojol te jc'ope. Ja'uc me to, ya cal ta scaj te bayal mach'atic sepoj sbaic li'to, yu'un jich me ya xch'uunic te ja'at la aticunon tele —xi'.

San Juan 11:42 Referans Kwoze

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.

San Juan 17:21

JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

Hebreos 5:7

Te kꞌalal ay to ta balmilal a te Cristoe, tulan a kꞌopoj y bayal a okꞌ ta skꞌoponel y ta yalulanbeyel te Diose, te yauk xjuꞌ ya xkoltayot ta spoder yuꞌun te lajele. Y te tutꞌil xchꞌuunej mantale, Dios a aibot yuꞌun.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 11:22

Pero ya jnaꞌ te ora to spisil te tut ya akꞌanbe te Diose ya yaꞌbeyat —xchi.

San Mateo 26:53

¿Meꞌn ma xꞌanaꞌ te ya xjuꞌ kuꞌun te ya jkꞌanbey te jTat te ya skoltayone? Ya me stikonbon tal ta ora mas ta lajchaytijkꞌ te chꞌul angeletik te jichuke.

Gálatas 4:4

Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

San Juan 11:31

Te juriyoetik te talemik ta sna ta sjunutesbeyel yoꞌtane, la yilik te tsꞌin a jajch bael ta ora te xMariae. La stsꞌakliyik bael, yuꞌun la skuyik te ya xba okꞌuk te ba mukul te jLazaroe.

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

San Juan 8:29

Porke sjoyinejon te Machꞌa la stikonon tale. Te jTate ma swolanejukon, porke jaꞌ ya jpas te tut lek yoꞌtan yuꞌune —xchi.

San Juan 8:16

Pero te tut ya kale, yuꞌun nanix batsꞌi jich a te tut ya kale. Porke te joꞌone ma joꞌukon nax te tut ya kale, yuꞌun jich ya yal euk te Tatil te la stikonon tale.

San Juan 11:43

Ta patil te jich a yale, tulan a kꞌopoj: —¡Lazaro, lokꞌan tal teꞌa me to! —xyut.

San Juan 12:11

porke stukel ta skaj te bayal juriyoetik ya spit sbaik lokꞌel te ba ayike yuꞌun xba xchꞌuunik te Jesuse.

San Juan 12:17

Te genteetik te teꞌeyik sok a te Jesus te kꞌalal la yikꞌ tal lokꞌel te jLazaroe te ba mukꞌul y te la xchaꞌkuses tal te ba animaetike, jaꞌ a ba yalik te tutiꞌ yilike.